Bilim berý keńistiginde tájirıbesimen bilimi bir qatarda úılesken, óz mamandyǵynyń sheberi, kásibı ustaz Á.Qasteev atyndaǵy óner jáne dızaın kolledjiniń «Dızaın» kafedrasynyń arnaıy pán oqytýshysy Anna Altynbaeva. Shákirt júregine jol tapqan ulaǵatty ustaz – «Naǵyz ustaz bolý - baqyt ári abyroı» dep sanaıdy. Óziniń bilimin únemi jetildirip otyratyn Anna hanym tárbıelep otyrǵan shákirtteri de árdaıym bıik shyńnan kórinip otyrady.
Máselen, oqýshysy Qojan Ulpan «WorldSkills Kazakhstan 2019» - V Respýblıkalyq kásibı sheberlik chempıonatyna qatysyp, bas júldeni jeńip alǵan. Ol «Vızýalnyı merchandaızıng jáne vıtrınıstıka» quzirettiligi boıynsha qatysqan bolatyn. Sonymen qosa shákirtteri «Sovremennyı dom», «Ǵylymı- zertteý jáne shyǵarmashylyq jobalar» jáne IýNESKO jobasy aıasynda ótken «Balalar álemdi beıneleıdi», «Jıhaz ben aǵashty óńdeý ónerkásibi» syndy baıqaýlarǵa qatysyp, únemi jeńis tuǵyrynan kóringen.
20 jyldyq ustazdyq jolynda jemisti nátıjelerge jetken Anna Altynbaeva «Úzdik pedagog-2020» mártebesin alyp, 400 myń teńgeniń sertıfıkatyna ıe bolǵan.
Onyń ár isinen shyǵarmashylyqty, joǵary pedagogıkalyq bilik pen izdenimpazdyqty kóre alasyz. Óziniń ádistemelik sheberligin shyńdap, oqý úrdisine jańa tehnologııalardy engizýde ózindik júıe qalyptastyryp únemi joǵary halyqaralyq ınnovaııalarǵa teńestirip otyrady.
Shymkent qalasy ákimdiginiń baspasóz qyzmeti
