سالتانات قولداسوۆا شىمكەنت قالاسى توتەنشە جاعدايلار دەپارتامەنتى ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ №4 ءورت ءسوندىرۋ ءبولىمىنىڭ راديوتەلەفونيست لاۋازىمىندا قىزمەت اتقارادى. نازىك جان ءوز ءومىرىن وتانىمىز ءۇشىن قۇرمەتتى جانە جاۋاپكەرشىلىگى جوعارى ماماندىقپەن بايلانىستىرعان. تەمىردەي بەرىك مىنەزدى، ەكسترەمالدى جاعدايلارعا ءاردايىم دايىن ءوز ءىسىنىڭ مامانى.
ازاماتتىق قورعاۋ پراپورششيگى سالتانات حانىم قىزىلوردا قالاسىندا تۋىپ، سوندا وسكەن. 1992 جىلى ورتا مەكتەپتى بىتىرگەننەن سوڭ ول ءوز ءومىرىن ورتكە قارسى قىزمەتىمەن بايلانىستىرۋدى شەشەدى. قىزىلوردا قالاسىنداعى №154 ءورت ءسوندىرۋ بولىمىنە راديوتەلەفونيست قىزمەتىنە ورنالاسادى. 2003 جىلى ول شىمكەنت قالاسىنىڭ «101» قىزمەتىنە اۋىسادى.
ءبىر قاراعاندا ورتكە قارسى قىزمەتتىڭ راديوتەلەفونيستەرىنىڭ قىزمەتى قيىن ەمەس كورىنەدى. الايدا بۇل ولاي ەمەس. ورتا ەسەپپەن ەسەپتەگەندە تاۋلىگىنە ءتۇرلى سيپاتتاعى 100-گە جۋىق قوڭىراۋلار كەلىپ تۇسەدى. ال ءورت قاۋىپتى كەزەڭدە ودان دا كوپ بولادى. راديوتەلەفونيست تەك قوڭىراۋلاردى قابىلداپ قويمايدى. ول اقپاراتتى ناقتىلايدى جانە قايدا جانىپ جاتقاندىعىن، ادامدارعا قاۋىپ ءتونىپ تۇرما بارلىعىن انىقتايدى، الىنعان مالىمەتتەرگە قاراپ، جونەلتىلەتىن تەحنيكالار مەن ءورت سوندىرۋشىلەردىڭ سانىن انىقتايدى. ودان بولەك ديسپەتچەر پوليتسيا، جەدەل-جاردەم جانە باسقا دا قىزمەتتەرمەن حابارلاسادى. ال اۋقىمى ۇلكەن ورتتەردە بۇل قيىنىراق بولادى.
ول تەك ءوز ءىسىنىڭ مامانى عانا ەمەس، سۇيىكتى جار جانە كوپبالالى انا. ونىڭ ءتورت بالاسى بار. سالتانات حانىمنىڭ كىشى ۇلى ەراسىل بولاشاقتا ءورت ءسوندىرۋشى-قۇتقارۋشى بولعىسى كەلەدى. ال اناسى ونى تولىق قولدايدى. ويتكەنى ول ەل يگىلىگى ءۇشىن قىزمەت ەتۋ-لايىقتى ءىس دەپ سانايدى. سونداي-اق ونىڭ ۇلكەن قىزى دارىگەر، ۇلكەن ۇلى پوليتسيا دەپارتامەنتىنىڭ قىزمەتكەرى.
ءوزىنىڭ ءمىنسىز قىزمەتى ءۇشىن سالتانات قولداسوۆا «ورتكە قارسى قىزمەت ورگاندارىنداعى ءمىنسىز قىزمەتى ءۇشىن» - ءىىى دارەجەلى، «ورتكە قارسى قىزمەت ورگاندارىنداعى ءمىنسىز قىزمەتى ءۇشىن» - ءىى دارەجەلى، «ورتكە قارسى قىزمەت ورگاندارىنداعى ءمىنسىز قىزمەتى ءۇشىن» - ءى دارەجەلى مەدالىمەن ماراپاتتالعان.
جۇمىستا ول – راديوتەلەفونيست. سالماقتى، جاۋاپكەرشىلىگى مول، دەر كەزىندە شەشىم قابىلداي الادى، ال ۇيدە باسقادا ايەلدەر سەكىلدى سۇيىكتى جار جانە قامقور، مەيىرىمدى، نازىك، ۇقىپتى انا. باسقا سوزبەن ايتقاندا ءورت ءسوندىرۋ قىزمەتىنىڭ نازىك كۇشى، سونداي-اق ءوز ءىسىنىڭ مامانى.
شىمكەنت قالاسى اكىمدىگىنىڭ ءباسپاسوز قىزمەتى
