Saltanat Qoldasova Shymkent qalasy Tótenshe jaǵdaılar departamenti Órt sóndirý jáne avarııalyq-qutqarý jumystary qyzmetiniń №4 órt sóndirý bóliminiń radıotelefonıst laýazymynda qyzmet atqarady. Názik jan óz ómirin Otanymyz úshin qurmetti jáne jaýapkershiligi joǵary mamandyqpen baılanystyrǵan. Temirdeı berik minezdi, ekstremaldy jaǵdaılarǵa árdaıym daıyn óz isiniń mamany.
Azamattyq qorǵaý praporıgi Saltanat hanym Qyzylorda qalasynda týyp, sonda ósken. 1992 jyly orta mektepti bitirgennen soń ol óz ómirin órtke qarsy qyzmetimen baılanystyrýdy sheshedi. Qyzylorda qalasyndaǵy №154 órt sóndirý bólimine radıotelefonıst qyzmetine ornalasady. 2003 jyly ol Shymkent qalasynyń «101» qyzmetine aýysady.
Bir qaraǵanda órtke qarsy qyzmettiń radıotelefonısteriniń qyzmeti qıyn emes kórinedi. Alaıda bul olaı emes. Orta eseppen eseptegende táýligine túrli sıpattaǵy 100-ge jýyq qońyraýlar kelip túsedi. Al órt qaýipti kezeńde odan da kóp bolady. Radıotelefonıst tek qońyraýlardy qabyldap qoımaıdy. Ol aqparatty naqtylaıdy jáne qaıda janyp jatqandyǵyn, adamdarǵa qaýip tónip turma barlyǵyn anyqtaıdy, alynǵan málimetterge qarap, jóneltiletin tehnıkalar men órt sóndirýshilerdiń sanyn anyqtaıdy. Odan bólek dıspetcher polıııa, jedel-járdem jáne basqa da qyzmettermen habarlasady. Al aýqymy úlken órtterde bul qıynyraq bolady.
Ol tek óz isiniń mamany ǵana emes, súıikti jar jáne kópbalaly ana. Onyń tórt balasy bar. Saltanat hanymnyń kishi uly Erasyl bolashaqta órt sóndirýshi-qutqarýshy bolǵysy keledi. Al anasy ony tolyq qoldaıdy. Óıtkeni ol el ıgiligi úshin qyzmet etý-laıyqty is dep sanaıdy. Sondaı-aq onyń úlken qyzy dáriger, úlken uly Polıııa Departamentiniń qyzmetkeri.
Óziniń minsiz qyzmeti úshin Saltanat Qoldasova «Órtke qarsy qyzmet organdaryndaǵy minsiz qyzmeti úshin» - III dárejeli, «Órtke qarsy qyzmet organdaryndaǵy minsiz qyzmeti úshin» - II dárejeli, «Órtke qarsy qyzmet organdaryndaǵy minsiz qyzmeti úshin» - I dárejeli medalimen marapattalǵan.
Jumysta ol – radıotelefonıst. Salmaqty, jaýapkershiligi mol, der kezinde sheshim qabyldaı alady, al úıde basqada áıelder sekildi súıikti jar jáne qamqor, meıirimdi, názik, uqypty ana. Basqa sózben aıtqanda órt sóndirý qyzmetiniń názik kúshi, sondaı-aq óz isiniń mamany.
Shymkent qalasy ákimdiginiń baspasóz qyzmeti
