مۇمكىندىگى شەكتەۋلى جاندار مەن زەينەتكەرلەرگە قىزمەت كورسەتەتىن ورتالىقتار اسقان جاۋاپكەرشىلىگى جانە جاناشىرلىعى باسىم باسشىنى قاجەت ەتەدى. وسىعان بايلانىستى قالا باسشىلىعىنىڭ باستاماسىمەن باسشىلىق ورىنداعى بوس لاۋازىمدارعا ۇمىتكەرلەردى ىرىكتەيتىن تاۋەلسىز كوميسسيا قۇرىلدى. ىرىكتەۋدى ءادىل ءارى اشىق وتكىزۋ ماقساتىندا كوميسسيا قۇرامىنا مۇگەدەك بالالارىن اسىراۋشى انالار، قوعامدىق بىرلەستىكتەردىڭ توراعالارى، باق وكىلدەرى مەن ازاماتتىق بەلسەندىلەر جانە بلوگەرلەر ەندى.
كوميسسيا مۇشەلەرى العاشقى وتىرىستا قالاداعى 18 جاستان اسقان پسيحونەۆرولوگيالىق اۋىتقۋى بار I-II توپ مۇگەدەكتەرىنە قىزمەت كورسەتەتىن «№2 ارناۋلى الەۋمەتتىك قىزمەتتەر كورسەتۋ ورتالىعى» كمم-ءسى مەن زەينەتكەرلەرگە ارنالعان «اسىل جۇرەك» الەۋمەتتىك –مەديتسينالىق ورتالىعى» كمم-نە ديرەكتور لاۋازىمدارىنا ۇمىتكەرلەرمەن سۇحباتتاستى. توسىننان قويىلعان سۇراقتارعا كانديداتتاردىڭ جاۋاپتارى مەن قىزمەتكە تاعايىندالعان جاعدايدا جۇمىس جوسپارلارى ەگجەي-تەگجەيلى تىڭدالدى. ۇمىتكەرلەر قىزمەتكە تۇرعاننان كەيىن دە سىناق مەرزىمىنەن وتەدى.
وتىرىستا تاۋەلسىز كوميسسيا مۇشەلەرى كانديداتتاردى ىرىكتەۋ تارتىبىنە قاتىستى جانە الداعى ۋاقىتتا ارناۋلى الەۋمەتتىك قىزمەت كورسەتۋ ورتالىقتارىنا زاڭ شەڭبەرىندە ەسكەرتۋسىز تەكسەرۋ ۇيىمداستىرۋ جونىندەگى ۇسىنىستارىن ءبىلدىردى. بارلىق ۇسىنىستار نەگىزگە الىنا وتىرىپ، الداعى ۋاقىتتا كوميسسيا قۇزىرەتىنىڭ اۋقىمى كەڭەيمەك.
شىمكەنت قالاسى اكىمدىگىنىڭ ءباسپاسوز قىزمەتى
