Shymkentte táýelsiz komıssııa arnaýly áleýmettik qyzmet kórsetý ortalyqtaryndaǵy bos laýazymdarǵa úmitkerlerdi irikteıdi

3611
Adyrna.kz Telegram

Múmkindigi shekteýli jandar men zeınetkerlerge qyzmet kórsetetin ortalyqtar asqan jaýapkershiligi jáne janashyrlyǵy basym basshyny qajet etedi. Osyǵan baılanysty qala basshylyǵynyń bastamasymen basshylyq oryndaǵy bos laýazymdarǵa úmitkerlerdi irikteıtin táýelsiz komıssııa quryldy. Irikteýdi ádil ári ashyq ótkizý maqsatynda komıssııa quramyna múgedek balalaryn asyraýshy analar, qoǵamdyq birlestikterdiń tóraǵalary, BAQ ókilderi men azamattyq belsendiler jáne blogerler endi.

Komıssııa músheleri alǵashqy otyrysta qaladaǵy 18 jastan asqan psıhonevrologııalyq aýytqýy bar I-II top múgedekterine qyzmet kórsetetin «№2 arnaýly áleýmettik qyzmetter kórsetý ortalyǵy» KMM-si men zeınetkerlerge arnalǵan «Asyl júrek» áleýmettik –medıınalyq ortalyǵy» KMM-ne dırektor laýazymdaryna úmitkerlermen suhbattasty. Tosynnan qoıylǵan suraqtarǵa kandıdattardyń jaýaptary men qyzmetke taǵaıyndalǵan jaǵdaıda jumys josparlary egjeı-tegjeıli tyńdaldy. Úmitkerler qyzmetke turǵannan keıin de synaq merziminen ótedi.

Otyrysta táýelsiz komıssııa músheleri kandıdattardy irikteý tártibine qatysty jáne aldaǵy ýaqytta arnaýly áleýmettik qyzmet kórsetý ortalyqtaryna zań sheńberinde eskertýsiz tekserý uıymdastyrý jónindegi usynystaryn bildirdi. Barlyq usynystar negizge alyna otyryp, aldaǵy ýaqytta komıssııa quzyretiniń aýqymy keńeımek.

Shymkent qalasy ákimdiginiń baspasóz qyzmeti

 

 

Pikirler