بوكس دەگەندە ەڭ الدىمەن «ەرلەر اينالىساتىن سپورت» دەگەن وي كەلەدى. جاينا شەكەربەكوۆا بۇل ۇعىمدى جوققا شىعارىپ، سپورتتىڭ وسى تۇرىنەن ەلىمىزدىڭ داڭقىن اسقاقتاتقان، بوكسشى.
كەيىپكەرىمىزدىڭ سپورتقا قىزىعۋشىلىعى شىمكەنت قالاسىنا كەلگەننەن باستالدى. «فەميدا» زاڭ كوللەدجىندە وقىپ جۇرگەندە بوكس ۇيىرمەسىنە بارىپ جۇرگەن ەدى. ول 2006 جىلى قىزىلجار قالاسىندا وتكەن ەل بىرىنشىلىگىنىڭ جەڭىمپازى اتاندى. سودان اۋەسقوي بوكستىڭ قىر-سىرىن مەڭگەرۋگە بارىن سالدى. وسىدان كەيىن سپورتتا جۇلدىزى جارقىرادى. 2008 جىلى الماتىدا وتكەن ەل چەمپيوناتىنا قاتىسىپ، جەڭىمپاز اتاندى. بۇل – جاينانىڭ بوكستاعى العاشقى، ءارى ءىرى جەڭىسى.
بىلعارى قولعاپ يەگەرىنىڭ جەتىستىكتەرى جەتەرلىك. 2010 جىلى استانا قالاسىندا وتكەن ازيا چەمپيوناتىندا وزگەلەردەن وق بويى وزا شاپتى. 2012 جىلى قىتايدا وتكەن ازيا كۋبوگى جارىسىندا، 2014 جىلى وڭتۇستىك كورەيادا وتكەن ازيا ويىندارىندا ءىى ورىن جەڭىپ الدى. 2016 جىلى استانا قالاسىندا وتكەن الەم چەمپيوناتىندا ءىىى ورىن يەلەندى. ريو دە جانەيروداعى 2016 جىلى XXXI جازعى وليمپيادا ويىندارىندا V ورىندى قانجىعاعا بايلادى. 2018 جىلى دەليدە ء(ۇندىستان) الەم چەمپيوناتى ۇيىمداستىرىلىپ، وندا ءىى ورىنعا تابان تىرەدى. وسى جىلعى ءحححىى-جازعى وليمپيادا ويىندارىنا جولداما جەڭىپ الۋعا ۇمىتكەر سپورتشى.
قازاقستان رەسپۋبليكاسىنىڭ بەس دۇركىن چەمپيونى. بىرنەشە حالىقارالىق ءتۋرنيردىڭ جەڭىمپازى. قازاقستانعا ەڭبەك سىڭىرگەن سپورت شەبەرى.
جاينانىڭ جوعارىدا كەلتىرگەن جەتىستىكتەرى شارشى الاڭ شەبەرىنىڭ جەڭىسكە دەگەن مۇقالماس جىگەرىنىڭ ارقاسى. سوققىسى جويقىن، تەحنيكاسى جەتىك سپورتشىنىڭ قاي كەزدە دە تۇعىرى بيىكتە.
شىمكەنت قالاسى اكىمدىگىنىڭ ءباسپاسوز قىزمەتى
