مەملەكەت باسشىسى قاسىم-جومارت توقاەۆتىڭ جارلىعىمەن 2019 جىلى تۇڭعىش رەت مۇعالىم مارتەبەسى تۋرالى زاڭنىڭ قابىلدانۋى ۇستازدار قاۋىمىن ءبىر سەرپىلتىپ تاستادى. بۇل – ساپالى ءبىلىم بەرۋ ءىسىن جەتىلدىرۋگە ارنالعان قادام. زاڭدا ەڭ باستى ماسەلە پەداگوگتاردىڭ قۇقىقتارىن كەڭەيتۋ جانە مۇعالىمگە دەگەن جۇكتەمەنى ازايتۋ، ولاردى قاتىسى جوق جۇمىستاردان بوساتۋعا، تەك قانا ءوزىن-ءوزى دامىتۋ ارقىلى شىعارماشىلىقپەن اينالىسۋعا مۇمكىندىك بەرۋگە باعىتتالعان.
ەلىمىزدە جارتى ميلليوننان اسا مۇعالىم بار ەكەن. قازاقتىڭ عۇلاماسى، ءبىرتۋار ۇستازى احمەت بايتۇرسىنوۆ: «مۇعالىم قانداي بولسا – مەكتەپ تە سونداي بولماقشى. ياعني مۇعالىم ءبىلىمدى بولسا، ول مەكتەپتەن بالالار كوبىرەك ءبىلىم الىپ شىقپاقشى» -دەگەن ەكەن. ءدال وسى اتاۋعا لايىقتى مەكتەپتەردىڭ ءبىرى – شىمكەنت قالاسىنداعى №65 مەكتەپ-گيمنازيا.
تالاي تاۋ تۇلعالاردىڭ قاناتتارىن قاقتىرعان ءبىلىم وشاعىندا ۇستاز اتتى ۇلاعاتتى كاسىپتىڭ يەسى ميرا تاشيمبەتوۆا جۇمىس جاسايدى. 45 جىلدان بەرى باستاۋىش سىنىپ وقۋشىلارىنا ءبىلىم ءنارىن سەبۋدە.
ميرا مەيىربەكقىزى تەك بىلىكتى مامان عانا ەمەس، تاجىريبەلى جەتەكشى ۇستاز. ول رەسپۋبليكالىق، وبلىستىق، قالالىق دەڭگەيدەگى سەمينار – كەڭەستەردە ءوز تاجىريبەسىمەن ءبولىسىپ، ۇلكەن جەتىستىكتەرگە جەتكەن.
«قازاق ەلىنىڭ ۇزدىك ۇستازى» كىتابىنا ەنگەن. ءاربىر ساباعى ونەگەگە تولى ۇستاز بالانىڭ جان دۇنيەسىن بايىتۋعا، رۋحاني ءنار بەرۋگە، دۇنيەتانىمدىق كوزقاراسىن كەڭەيتۋگە اسا كوپ ءمان بەرەدى. ۇستازدىڭ ءار ساباعىندا وسى ماقساتتار ءبىر- بىرىمەن استاسىپ، ءوز ورنەگىن تاۋىپ جاتادى.
بۇگىندە مارتەبەلى ۇستازدىڭ ءبىلىم بەرگەن وقۋشىلارى رەسپۋبليكادا جۇيرىكتەر قاتارىنان تانىلىپ ءجۇر.
«ەڭبەگىمنىڭ جەمىسى – وقۋشىلارىمنىڭ جەتىستىگىنەن كورىنەدى. ەشقاشان شارشادىم دەگەن ەمەسپىن. سەبەبى ۇستازدىق قىزمەت ادامدىق بورىشپەن ۇشتاسىپ جاتىر. ۇرپاققا ءبىلىم مەن تاربيە بەرۋ ارقىلى قوعامدى قالىپتاستىرىپ جاتقانىمدى جەتە تۇسىنەمىن»، - دەيدى ميرا مۇعالىم.
ۇزاق جىلدار بويى اتقارعان پەداگوگيكالىق ەرەن ەڭبەگى ءۇشىن 2011 جىلى قر ءبىلىم جانە عىلىم مينيسترلىگىنىڭ «قۇرمەت » گراموتاسىمەن، 2017 جىلى ەلباسىنىڭ جارلىعى بويىنشا «شاپاعات» مەدالىمەن ناگرادتالعان.
شىمكەنت قالاسى اكىمدىگىنىڭ ءباسپاسوز قىزمەتى
