«اتىراۋ وبلىسىنىڭ اكىمى ماحامبەت دوسمۇحامبەتوۆ رەسەيلىك ينۆەستورلاردى قابىلدادى»،- دەپ حابارلايدى «ادىرنا» ۇلتتىق پورتالى اتىراۋ وبلىستىق كوممۋنيكاتسيالار قىزمەتىنە سىلتەمە جاساپ.
ولار جازعا قاراي توقىما پوليپروپيلەن جانە گەوسينتەتيكا ءوندىرۋ تسەحىنا قاتىستى قۇنى شامامەن 3,6 ملرد تەڭگە بولاتىن ەكى جوبانى اتىراۋ وڭىرىندە جۇزەگە اسىرا باستايدى.
ايماق باسشىسى ماحامبەت دوسمۇحامبەتوۆ ەلىمىزدە ينۆەستورلار ءۇشىن ەرەكشە جاعداي جاسالعانىنا جان-جاقتى توقتالدى. «ينۆەستيتسيالىق كليماتتىڭ زامانعا ساي قولايلى بولۋى ءۇشىن جىلدار بويى قۇقىقتىق تۇرعىدان اۋقىمدى جۇمىستار جاسالىپ كەلەدى. ءبىز دە ءوڭىرىمىزدىڭ ينۆەستيتسيالىق مۇمكىندىگىن ارتتىرۋ ءۇشىن بار جاعدايدى قاراستىرۋدامىز. ويتكەنى، ءوندىرىس قاي كەزەڭدە دە ايماقتىڭ الەۋمەتتىك-ەكونوميكالىق دامۋىنا وڭ ىقپالىن تيگىزەرى ءسوزسىز. سوندىقتان، اتىراۋدىڭ دامۋىنا ىقپالا ەتەتىن ينۆەستيتسيالىق جوبالاردى قولداۋعا دايىنبىز»،- دەدى ءوڭىر باسشىسى.
ال ءوز كەزەگىندە «ۋلتراستاب» جشق-نىڭ كوممەرتسيالىق ديرەكتورى و.كوستىلەۆ «قازىرگى ساتتە جوبانىڭ ءبىرىنشى كەزەڭ ءۇشىن 2 شەتەلدىك ستانوكتار ساتىپ الىنىپ، ءوندىرىس ماشينالارىنا تاپسىرىس بەرىلدى. جوبانىڭ تەحنيكالىق-ەكونوميكالىق نەگىزدەمەسى ازىرلەندى»،-دەدى.
ءبىرىنشى جوبا بويىنشا - 38 ادامدى تۇراقتى جۇمىس ورنىمەن قامتيتىن گەوسينتەتيكا ءوندىرۋ تسەحىنىڭ قۋاتى جىلىنا 3 ملن شارشى مەتردى قۇرايدى. ال 44 ادامعا تۇراقتى جۇمىس بەرەتىن ەكىنشى جوبا — ەكسترۋزيوندىق گەوسينتەتيكا ءوندىرۋ تسەحىنىڭ قۋاتى جىلىنا 5 ملن شارشى مەتر بولماق. بۇل باعىتتا ءبىرىنشى كەزەڭ ءۇشىن ارنايى ستانوك ساتىپ الىنىپ، ەكىنشى كەزەڭى ءۇشىن وندىرىستىك جەلىلەرگە تاپسىرىس بەرىلگەن.
اتالعان كومپانيالار باستاپقىدا شيكىزاتتى شەتەلدەن تاسىمالدايدى. بىراق، اتىراۋداعى تاياۋ شەتەلدەردەگى ەڭ ءىرى پوليمەر وندىرىسىنە اينالادى دەپ بولجانىپ وتىرعان KPI كومپانياسىنىڭ پوليپروپيلەن جوباسىنىڭ ينتەگراتسيالانعان گاز-حيميا كەشەنى قۇرىلىسى اياقتالعان سوڭ قاجەتتى شيكىزاتتى تولىعىمەن سول جەردەن الماق.
ولار سول ارقىلى قۇرىلىسقا قاجەتتى سان ءتۇرلى دايىن ونىمدەردى شىعارۋدى جوسپارلاپ وتىر. اتاپ ايتقاندا، ولاردىڭ بىرقاتارىن اۆتوكولىك جانە تەمىرجول قۇرىلىسىنا، ونەركاسىپتىك قالدىقتاردى ساقتاۋ مەن جاعالاۋدى نىعايتۋعا پايدالانۋعا بولادى. ينۆەستورلار بولاشاقتا ءوز ونىمدەرىن كورشىلەس ەلدەرگە دە ەكسپورتتاۋعا مۇمكىندىكتەرى بار ەكەنىن جەتكىزدى.
ايتا كەتۋ كەرەك، اتالعان تسەحتار وسى جىلدىڭ سوڭىنا دەيىن قۇرىلىسىن تولىق اياقتاپ، ونىمدەرىن شىعارۋدى جوسپارلاۋدا.
