اتىراۋ وبلىسىنىڭ اكىمى ماحامبەت دوسمۇحامبەتوۆ ماحامبەت اۋدانىنىڭ اقجايىق اۋىلىندا سالىنىپ جاتقان جىلىجايمەن تانىسىپ شىقتى.
ماحامبەت اۋدانى اقجايىق اۋىلىنا بارعان ءوڭىر باسشىسى ماحامبەت دوسمۇحامبەتوۆ 4 گەكتار جەرگە سالىنىپ جاتقان جىلىجاي جۇمىستارىمەن تانىستى.
«جۇماعاليەۆا ن» شارۋا قوجالىعى باسشىسى وسپان الماستىڭ ايتۋىنشا، جوبانىڭ جالپى قۇنى-1,4 ملرد. تەڭگە. وسى جىلدىڭ 4 – توقسانىندا جىلىجاي تولىق پايدالانىلا باستايدى. قازىردىڭ وزىندە جىلىجايدىڭ قاڭقاسى قۇرىلىپ، ەلەكتر جانە گاز جەلىسى تارتىلىپ قويعان. مۇندا 14 ادام جۇمىس ىستەۋدە. جوبا تولىق ىسكە اسقاندا 350 ادام جۇمىسپەن قامتىلماق. «جىلىجاي تولىق ىسكە قوسىلعاندا جىلىنا 350 توننا قيار، قىزاناق سىندى كوكونىس ونىمدەرىن الۋدى كوزدەپ وتىرمىز»،-دەيدى وسپان الماس.
ءوز كەزەگىندە وبلىس اكىمى دە شارۋا قوجالىعىنىڭ اۋقىمدى جوباسى ارقىلى جەرگىلىكتى تۇرعىنداردى جۇمىسپەن، سونداي-اق ارزان كوكونىسپەن قامتۋ ءۇشىن مول مۇمكىندىك اشىلاتىنىن اتاپ ءوتتى. سونىمەن قاتار، اۋىلدى جەردىڭ بيۋدجەتىنە اۋقىمدى سالىق ءتۇسىپ، اقجايىقتىڭ ونىمدەرى باعا تۇراقتىلىعىنا دا وڭ ىقپال ەتەتىنىنە توقتالدى.
بۇدان سوڭ وبلىس اكىمى اقجايقتىقتارمەن دە كەزدەسىپ، ۇسىنىس-پىكىرلەرىن تىڭداپ، جەمىستى ەڭبەك تىلەدى.
