تالدىقورعان قالاسىنداعى نازارباەۆ زياتكەرلىك مەكتەبىندە «ءادىل، تازا جانە قاۋىپسىز قازاقستان» تاقىرىبىندا «Jas REPUBLIC CUP» رەسپۋبليكالىق پىكىرسايىس ءتۋرنيرى ءوتتى. ايماقتىق ىرىكتەۋ كەزەڭىنە 31 كوماندا قاتىستى، بۇل وبلىستىڭ تۇكپىر-تۇكپىرىنەن 150-دەن استام جاس پىكىرسايىسشىلار. ايتا كەتەرلىگى، ۇلتتىق پىكىرسايىس ءتۋرنيرى ەلىمىزدىڭ بارلىق ايماقتارىندا ءوتتى.
سىني تۇرعىدان ويلاۋ قابىلەتتەرىن دامىتۋ، اقپاراتتى تالداۋ، توپپەن جۇمىس جاساۋ، سۇراقتار قۇراستىرۋ جانە ولارعا جاۋاپ بەرۋ. سونىمەن قاتار وقۋشىلاردى بىلىمگە، تاپقىرلىققا، شەشەندىككە باۋلۋ. ءتۋرنيردىڭ ماقساتى دا وسى. جاستار – ەلدىڭ بولاشاعى، قوعامنىڭ قوزعاۋشى كۇشى. ىرىكتەۋ تۋرنيرىندە قاتىسۋشىلار قازاقستانداعى وزەكتى ماسەلەلەردىڭ شەشىمدەرى مەن ءتيىمدى تەتىكتەرىن ۇسىندى.
پىكىرسايىس – ءبىلىم بەرۋ ويىنى. قاتىسۋشىلاردىڭ ماڭىزدى مىندەتى - داۋداعى ەكى پىكىر دە مۇقيات زەرتتەۋگە جانە ولاردى قولداۋداعى دالەلدەردى مۇقيات وڭدەۋگە لايىق ەكەنىن ءتۇسىنۋ. ءبىر نەمەسە باسقا كوماندا پىكىرتالاستا جەڭىسكە جەتكەندىكتەن، ول قورعايتىن ۇستانىم دۇرىس دەگەندى بىلدىرمەيدى. جەڭىس تولىعىمەن كوماندانىڭ شەبەرلىگىنە بايلانىستى: بۇل ويىنعا قاتىسۋشىلاردىڭ جەكە داعدىلارى، كوماندالىق جۇمىس جانە جوعارى ويىن دەڭگەيى. بۇل ءتۋرنيردى ۇيىمداستىرۋ جاھاندىق فورماتقا يە بولۋدا. مۇندا وينالاتىن تاقىرىپتاردىڭ بارلىعى وقۋشىلاردىڭ جاس ەرەكشەلىكتەرىنە، دەڭگەيىنە قاراي ايقىندالىپ، بەيىمدەلگەن»، - دەيدى «جاس ۇرپاق» پىكىرسايىس قوزعالىسىنىڭ ساراپشىسى گاۋفاريا احمەتوۆا.
بۇل پىكىرسايىس ءتۋرنيرى قازاقستاننىڭ بارلىق ايماقتارىندا ءوتتى. ايماقتىق ىرىكتەۋدەن وتكەن جەڭىمپازدار قازان ايىندا رەسپۋبليكا كۇنىنە وراي رەسپۋبليكالىق ءتۋرنيردىڭ دەباتتارىنا قاتىساتىن بولادى. بۇل باستامانىڭ باستى ماقساتى – ۇرپاقتارىمىزدىڭ بويىنا ءبىلىم ۇيالاتىپ، پاتريوتتىق قابىلەتتەرىن ارتتىرۋ»، – دەدى ءوز سوزىندە «رەسپۋبليكا» پارتياسى قوعامدىق بىرلەستىگىنىڭ وبلىستىق فيليالىنىڭ توراعاسى ريشات قوجابەك.
اقىلدى دا ءبىلىمدى جاستار ءوزارا تاجىريبە الماسىپ، پىكىر الماستى. ايتا كەتەرلىگى، بۇگىنگى كۇنى بارلىق وقۋ ورىندارىندا دەبات كلۋبتارى جۇمىس ىستەيدى. ولار وقۋشىلاردىڭ ينتەللەكتۋالدىق جانە كوممۋنيكاتيۆتى داعدىلارىن دامىتۋعا ۇلكەن ۇلەس قوسۋدا.
قازاق ليگاسى بويىنشا ىرىكتەۋ ءتۋرنيرىنىڭ قورىتىندىسى بويىنشا وقۋشىلار سارايىنىڭ كومانداسى جەڭىسكە جەتتى. تالدىقورعان قالاسىنىڭ نازارباەۆ زياتكەرلىك مەكتەبىنىڭ كومانداسى ورىس ليگاسىندا 1-ورىنعا يە بولدى.
جەڭىمپازدار قازان ايىندا وتەتىن رەسپۋبليكالىق تۋرنيردە جەتىسۋ ءوڭىرىنىڭ نامىسىن قورعايتىن بولادى.
