بۇگىن، 9 ساۋىردە اتىراۋدا العاش رەت ەكولوگياعا ارنالعان رۇقسات ەتىلگەن نارازىلىق ءوتىپ جاتىر. بۇل تۋرالى "اق جايىق" باسىلىمى جاريالادى، دەپ حابارلايدى “ادىرنا” ۇلتتىق پورتالى.
اتىراۋ قالاسىنداعى "مۇنايشى" ستاديونىنىڭ الدىنا 400-گە جۋىق ادام جينالىپ، قالانىڭ ەكولوگيالىق ماسەلەسىنە نازار اۋداردى.
نارازىلىققا قاتىسۋشىلاردىڭ كوپشىلىگى جاستار. ولاردىڭ قولدارىندا "وكپەگە اۋا جەتپەيدى", "تىنىس الاتىن ەشتەڭە جوق", "اتىراۋ دەمال", "ەكولوگيا پايدادان قىمبات", ء"بىز قازاقستان رەسپۋبليكاسى ەكولوگيالىق كودەكسىنىڭ 198-بابىنىڭ ورىندالۋىن تالاپ ەتەمىز" دەگەن جازۋلار بولدى.
ايتا كەتەيىك، نارازىلىق بەيبىت تۇردە ءوتتى. اكتسياعا قاتىسۋشىلاردىڭ اراسىندا جۋرناليستەر مەن قالا بەلسەندىلەرى دە بار.
