اتىراۋ وبلىسىندا 1 ملرد تەڭگەگە وقۋ كابينەتىن ساتىپ الماق بولعان مەكتەپ انىقتالدى.
اتىراۋ وبلىسى بويىنشا سىبايلاس جەمقورلىققا قارسى قىزمەت مالىمەتىنشە، وقۋ كابينەتتەرىنىڭ شىن مانىندەگى باعاسى 3,5 ميلليون تەڭگەدەن 7 ميلليون تەڭگەگە دەيىن بولعان.
«ماقات اۋداندىق ءبىلىم بولىمىنە قاراستى ب. قاناتباەۆ اتىنداعى ورتا مەكتەپ 1 ميلليارد تەڭگەگە قىزدارعا ارنالعان تەحنولوگيا كابينەتىن ساتىپ الۋدى جوسپارلاعان. الايدا وقۋ كابينەتىنىڭ قۇنى 3,5 ميلليون تەڭگەدەن 7 ميلليون تەڭگەنى قۇرايتىنى بەلگىلى بولدى»، - دەلىنگەن اگەنتتىك حابارلاماسىندا.
بۇل فاكتىنى سىبايلاس جەمقورلىققا قارسى قىزمەت مەملەكەتتىك ساتىپ الۋ پورتالىندا جۇرگىزگەن مونيتورينگ بارىسىندا انىقتادى. تەكسەرۋ قورىتىندىسى بويىنشا مەملەكەتتىك ساتىپ الۋدى ۇيىمداستىرۋشىعا ۇسىنىس حات جولداندى. كەيىن بۇل سوما 12 ميلليون تەڭگەگە وزگەرتىلىپ، 1 059 428 571 تەڭگە بيۋدجەت قاراجاتىن ۇنەمدەلدى.
“ادىرنا” ۇلتتىق پورتالى
