Facebook الەۋمەتتىك جەلىسىندەگى «قازاقستان ۇستازدارى» توبىندا ەلىمىزدەگى ءبىلىم سالاسىنداعى ەڭ وزەكتى ماسەلەلەر ءجيى تالقىلانىپ وتىرادى. سونداي تاقىرىپتىڭ ءبىرى مۇعالىم بولىپ جۇمىسقا ورنالاسۋعا بايلانىستى بولدى دەپ جازادى «ادىرنا» ۇلتتىق پورتالى.
ءيا، تاقىرىپ وتە ماڭىزدى جانە قىزىقتى-اق. قازاقستاننىڭ ككيبىر وڭىرلەرىندە مەكتەپ باسشىسىنا اقشا بەرمەي، مۇعالىم بولۋ قيامەت قايىم. بۇل جاعدايدىڭ قالىپتى قۇبىلىسقا اينالعانى سونداي، «تەگىن مۇعالىم بولىپ جۇمىسقا تۇردىم» دەگەن ادامعا تاڭىرقاي، ءارى كۇدىكپەن قارايتىن حالگە دە جەتكەنىمىز شىندىق. ءتىپتى، كەي مەكتەپ ديرەكتورى جۇمىسقا قابىلدايتىن مۇعالىمنىڭ قانشا كولەمدەگى اقشا بەرەتىنىن دە بەلگىلەپ قويعانى دا قوعامدى سەلت ەتكىزە قويمايدى. الايدا، جوعارىدا اتى اتالعان توپتا وسى تاقىرىپ تالقىعا تۇسكەندە... ءبىر جاعىنان راسىمەن تاڭعالدىق تا.
«قۇرمەتتى ۇستازدار! كەزىندە وسى مەكتەپكە جۇمىسقا قالاي تۇردىڭىزدار؟ اقشاسىز پاراسىز مەكتەپكە تۇرۋ مۇمكىن بە؟ حوتيا بى تورت بەرگەن شىعارسىز يا مەنى السىن دەپ. نەگە سونداي قىلىپ جىبەرگەنبىز ءبىز سوندا ءبىز؟ ءجاي رەزيۋمەمەن بارىپ، ءوزىن كورسەتىپ جۇمىسقا تۇرۋعا بولماي ما سوندا؟ سوندا ول ديرەكتور ونىڭ بىلىمىنە قاراپ تۇرعان جوق قوي. قارامايتىنىن بىلەمىن ويتكەنى، ءبىر اۋىز ورىسشا بىلمەيتىن، ەلەمەنتارنو سوزدەردى بىلمەيتىن مۇعالىم ساباق بەرىپ ءجۇر كەزىندە مەنەن سۇراپ دۇرىستاپ الاتىن. سوندا ول وقىتاتىن وقۋشى نە بولادى؟ بۇل ادىلەتسىزدىك، بولاشاققا بالتا شابۋ، سوعان "قۇرسىنش اقشاسىمەن تۇرسا تۇرا بەرسىن" دەپ بىلە تۇرا كوز جۇمۋ قاشان بىتەدى؟ ديرەكتوردە دە ۇيات جوق پا، وعان بولاشاق بالالار نە بولاتىنى ءبارىبىر مە؟ ليج بى اقشاعا قوق ەتپەيتىن مۇعالىم الىپ، ءوزى وتىرعان ۋاقىتتى پايدالانىپ قالۋ ما ماقساتى؟» دەگەن اينۇر قابيبۋللانىڭ جازباسىنا (جازبا قاز-قالپىندا الىندى) جازىلعان 500 مىڭعا جۋىق پىكىردىڭ باسىم بولىگى ءبىر تيىن بەرمەي مۇعالىم بولىپ جۇمىسقا ورنالاسقانداردىڭ جازباسى دەسەك، سەنەسىز بە؟
ماسەلەن، الميرا نايمانباەۆا اتتى ۇستازىمىز: «وسىعان دەيىن ءتورت مەكتەپتە ىستەپپىن. ءبىر زات، نە اقشا بەرىپ كورمەگەم. ءبىر جەرلەردە بار شىعار سونداي جاعداي، ءوز باسىمدا بولعان جوق»،- دەپ جازادى. گۋلنار ەسەنگاليەۆا دا: «40 جىلدىق ۇستازدىق ومىرىمدە ادال ەڭبەگىمنىڭ ارقاسىندا 3 وڭىردە،3 مەكتەپتە جۇمىس ىستەپ جاتىرمىن،كىمنىڭ جەتىستىگى، بالانىڭ وقىتامىن دەپ قۇلشىنىپ تۇرعان ۇستازدان ،1تيىن دا المايدى.قىركۇيەكتە جانۇيا جاعدايىما بايلانىستى جۇمىس اۋىستىردىم،العىسىم شەكسىز وتە جاقسى ۇجىمعا كەزدەستىم، مۇنايلى اۋدانى 14 مەكتەپ،باسشىسى قانداي،ۇجىمى قانداي، اۋىزبىرلىك بار جەردە جۇمىس تا بار»،- دەپ اقجارما تىلەگىن جەتكىزىپتى. وسى سارىنداعى جازبالار وتە كوپ. مەكتەپ باسشىلىعىنا العىس ءبىلدىرىپ، ءبىر تيىنسىز جۇمىسقا ورنالاسقانىن ماقتانىشپەن جەتكىزگەن مۇعالىمدەردىڭ پىكىرىنىڭ اراسىندا، ارينە، پاراسىز مەكتەپتىڭ ماڭىنا جولاي المايتىن جاعدايدى جازعاندار دا بار.
كازىنا اسەنوۆا: «مۇمكىن ەمەس. ىشىندە ءجۇرىپ تە ساعات الۋ ءۇشىن، سىيلىق بەرەسىڭ»،- دەپ كۇدىگىن جاسىرمايدى. ال ەربول جامبى تانىسىنىڭ 200 مىڭ تەڭگە بەرىپ، مۇعالىم بولىپ ورنالاسقانىن ايتادى. لاززات اكتانوۆانىڭ پىكىرىنە سۇيەنسەك: «مەن وسى ۋاقىتقا دەيىن ءتورت مەكتەپتە جۇمىس جاسادىم، ديرەكتور دا ەشتەڭە تالاپ ەتكەن جوق، مەن دە بەرۋگە ۇمتىلعان جوقپىن.تەك رەزيۋمەمەن جۇمىسقا قابىلداندىم. پارا بەرۋشىلەر وزدەرىنە سەنىمسىز ادامدار دەپ ويلايمىن. ءوز ءىسىڭدى جەتىك مەڭگەرىپ تۇرساڭ، نەگە پارا بەرەسىڭ؟ قازىر مۇعالىمدەر جەتىسپەيدى، سوندىقتان كەز كەلگەن مەكتەپتەن جۇمىس تاۋىپ الۋعا بولادى»، - دەگەندى العا تارتادى.
كەز كەلگەن ديپلومى بار مۇعالىم جۇمىس «جاساۋعا» ەمەس، ىستەۋگە پاراسىز مەكتەپكە قابىلدانسا، ارينە بۇل وتە جاقسى-اق. الايدا، ەلىمىزدەگى بارلىق مەكتەپ باسشىسى جاڭا مۇعالىمدى سىي-سياپاتسىز، پاراسىز جۇمىسقا قابىلداي ما؟ وكىنىشكە قاراي، بۇل سۇراققا «ءيا» دەپ تولىق جاۋاپ بەرۋ قيىن. دەسەك تە، الداعى ون جىلدا «مەكتەپ، پارا، ديرەكتور» دەگەن سوزدەر اقپارات قۇرالدارى بەتتەرىندە جازىلماس دەپ ۇمىتتەنەمىز. ءسىز قالاي ويلايسىز؟
مۇقاش مۇراتۇلى،
«ادىرنا» ۇلتتىق پورتالى.
فوتو اشىق دەرەككوزدەن الىندى.
