بقو-دا 14 مەكتەپ ديرەكتورىنا ايىپپۇل سالىندى

باتىس قازاقستان وبلىسىندا ينفورماتيكا كابينەتتەرىندە تىيىم سالىنعان ينتەرنەت-كونتەنتكە توسقاۋىل قويماعانى ءۇشىن 14 مەكتەپتىڭ ديرەكتورى جاۋاپقا تارتىلدى، دەپ حابارلايدى «ادىرنا» ۇلتتىق پورتالى.

باتىس قازاقستان وبلىسى پروكۋراتۋراسىنىڭ ءباسپاسوز قىزمەتىنىڭ حابارلاۋىنشا، تەرەكتى اۋدانىندا قاداعالاۋشى مەكەمە 14 مەكتەپتە زاڭ بۇزۋشىلىقتى انىقتاعان. پروكۋراتۋرا مونيتورينگ جۇرگىزىپ، بالالاردىڭ زورلىق-زومبىلىق پەن سۋيتسيد كورىنىستەرى بار سايتتارعا ەركىن كىرە الاتىنىن انىقتادى. ۆەدومستۆو ءبىلىم بەرۋ سالاسىنداعى ساپانى قامتاماسىز ەتۋ جونىندەگى وڭىرلىك دەپارتامەنتكە قاداعالاۋ اكتىسىن تاپسىردى. ونىڭ قورىتىندىسى بويىنشا 14 مەكتەپ ديرەكتورىنا 7-2 باپ بويىنشا ايىپپۇل سالىندى. 409 قر اقبتك-ءنىڭ 10 اەك (34,5 مىڭ تەڭگە). قازىر مەكتەپتەردە ينفورماتيكا كابينەتتەرىنەن كىرۋگە بولمايتىن بارلىق سايتتار بۇعاتتالدى. بۇعان دەيىن الماتى وبلىسىنداعى مەكتەپتەردە بالالار ينفورماتيكا كابينەتىندە تىيىم سالىنعان سايتتارعا تىكەلەي كىرەتىنى بەلگىلى بولعان.

«ادىرنا» ۇلتتىق پورتالى