كازتالوۆ اۋدانىندا وقۋشىلاردىڭ شەشەندىك قابىلەتىن دامىتىپ، ءسوز مادەنيەتىن قالىپتاستىرۋعا باعىتتالعان ء«دىلمار» شەشەندىك ونەر ۇيىرمەسىنە ارنالعان ارنايى سىنىپ اشىلدى.
رۋحاني ورتالىقتىڭ اشىلۋ سالتاناتىنا اۋدان اكىمى اسلانبەك سارقۇلوۆ، ء«دىلمار» كلۋبىنىڭ نەگىزىن قالاۋشى جارقىن سالەنۇلى، ۇستازدار، وقۋشىلار، اتا-انالار جانە ارنايى قوناقتار قاتىستى. سالتاناتتى لەنتا قيۋ ءراسىمى شەشەندىك ونەردى ناسيحاتتاپ جۇرگەن ۇستاز جارقىن سالەنۇلى مەن قازاق ءتىلى مەن ادەبيەتى ءپانىنىڭ مۇعالىمى ميربولات ايەكەۇلىنا بەرىلدى.
شارانىڭ جالعاسى «سوزدەن قالعان ءىز» تاقىرىبىندا جارقىن سالەنۇلىمەن سىر-سۇحبات فورماتىمەن جالعاستى. كەزدەسۋدە شەشەندىك ونەردىڭ ءمانى، ءسوز مادەنيەتى، كوپشىلىك الدىندا ەركىن سويلەۋ جانە ءوز ويىن دۇرىس جەتكىزۋ ماسەلەلەرى تالقىلاندى. وقۋشىلار دا وزدەرىن قىزىقتىرعان ساۋالدارىن قويىپ، قوناقپەن ەركىن پىكىر الماستى. سونىمەن قاتار ء«دىلمار» ۇيىرمەسىنىڭ ماقساتى مەن مىندەتتەرى تانىستىرىلىپ، العاشقى مۇشەلەرى ونەرلەرىن ورتاعا سالدى. وقۋشىلار شەشەندىك ونەردى دارىپتەۋگە، انا ءتىلىنىڭ قادىرىن ارتتىرۋعا جانە ءسوزدى قۇرمەتتەۋگە سەرت بەردى.
جيىن بارىسىندا اۋدان اكىمى اسلانبەك احمەتوللاۇلى قۇتتىقتاۋ ءسوز سويلەپ، جاڭا باستاماعا قولداۋ ءبىلدىردى. سونداي-اق جارقىن سالەنۇلىنا رەسپۋبليكالىق ۇيىرمەنىڭ اۋىلدىق جەردە بولىمشەسىنىڭ اشىلۋىنا قولداۋ كورسەتكەنى ءۇشىن ريزاشىلىعىن ءبىلدىردى.
جاينا قابيبوللا
