Facebook äleumettık jelısındegı «Qazaqstan ūstazdary» tobynda elımızdegı bılım salasyndaǧy eŋ özektı mäseleler jiı talqylanyp otyrady. Sondai taqyryptyŋ bırı mūǧalım bolyp jūmysqa ornalasuǧa bailanysty boldy dep jazady «Adyrna» ūlttyq portaly.
İä, taqyryp öte maŋyzdy jäne qyzyqty-aq. Qazaqstannyŋ kkibır öŋırlerınde mektep basşysyna aqşa bermei, mūǧalım bolu qiiamet qaiym. Būl jaǧdaidyŋ qalypty qūbylysqa ainalǧany sondai, «tegın mūǧalım bolyp jūmysqa tūrdym» degen adamǧa taŋyrqai, ärı küdıkpen qaraityn halge de jetkenımız şyndyq. Tıptı, kei mektep direktory jūmysqa qabyldaityn mūǧalımnıŋ qanşa kölemdegı aqşa beretının de belgılep qoiǧany da qoǧamdy selt etkıze qoimaidy. Alaida, joǧaryda aty atalǧan topta osy taqyryp talqyǧa tüskende... Bır jaǧynan rasymen taŋǧaldyq ta.
«Qūrmettı ūstazdar! Kezınde osy mektepke jūmysqa qalai tūrdyŋyzdar? Aqşasyz parasyz mektepke tūru mümkın be? Hotia by tort bergen şyǧarsyz ia menı alsyn dep. Nege sondai qylyp jıbergenbız bız sonda bız? Jäi reziumemen baryp, özın körsetıp jūmysqa tūruǧa bolmai ma sonda? Sonda ol direktor onyŋ bılımıne qarap tūrǧan joq qoi. Qaramaitynyn bılemın öitkenı, bır auyz orysşa bılmeitın, elementarno sözderdı bılmeitın mūǧalım sabaq berıp jür kezınde menen sūrap dūrystap alatyn. Sonda ol oqytatyn oquşy ne bolady? Būl ädıletsızdık, bolaşaqqa balta şabu, soǧan "qūrsynş aqşasymen tūrsa tūra bersın" dep bıle tūra köz jūmu qaşan bıtedı? Direktorde de ūiat joq pa, oǧan bolaşaq balalar ne bolatyny bärıbır me? Lij by aqşaǧa qoq etpeitın mūǧalım alyp, özı otyrǧan uaqytty paidalanyp qalu ma maqsaty?» degen Ainūr Qabibullanyŋ jazbasyna (jazba qaz-qalpynda alyndy) jazylǧan 500 myŋǧa juyq pıkırdıŋ basym bölıgı bır tiyn bermei mūǧalım bolyp jūmysqa ornalasqandardyŋ jazbasy desek, senesız be?
Mäselen, Almira Naimanbaeva atty ūstazymyz: «Osyǧan deiın tört mektepte ısteppın. Bır zat, ne aqşa berıp körmegem. Bır jerlerde bar şyǧar sondai jaǧdai, öz basymda bolǧan joq»,- dep jazady. Gulnar Esengalieva da: «40 jyldyq ūstazdyq ömırımde adal eŋbegımnıŋ arqasynda 3 öŋırde,3 mektepte jūmys ıstep jatyrmyn,kımnıŋ jetıstıgı, balanyŋ oqytamyn dep qūlşynyp tūrǧan ūstazdan ,1tiyn da almaidy.Qyrküiekte janūia jaǧdaiyma bailanysty jūmys auystyrdym,alǧysym şeksız öte jaqsy ūjymǧa kezdestım, mūnaily audany 14 mektep,basşysy qandai,ūjymy qandai, auyzbırlık bar jerde jūmys ta bar»,- dep aqjarma tılegın jetkızıptı. Osy saryndaǧy jazbalar öte köp. Mektep basşylyǧyna alǧys bıldırıp, bır tiynsyz jūmysqa ornalasqanyn maqtanyşpen jetkızgen mūǧalımderdıŋ pıkırınıŋ arasynda, ärine, parasyz mekteptıŋ maŋyna jolai almaityn jaǧdaidy jazǧandar da bar.
Kazyna Asenova: «Mümkın emes. Işınde jürıp te saǧat alu üşın, syilyq beresıŋ»,- dep küdıgın jasyrmaidy. Al Erbol Jamby tanysynyŋ 200 myŋ teŋge berıp, mūǧalım bolyp ornalasqanyn aitady. Lazzat Aktanovanyŋ pıkırıne süiensek: «Men osy uaqytqa deiın tört mektepte jūmys jasadym, direktor da eşteŋe talap etken joq, men de beruge ūmtylǧan joqpyn.Tek reziumemen jūmysqa qabyldandym. Para beruşıler özderıne senımsız adamdar dep oilaimyn. Öz ısıŋdı jetık meŋgerıp tūrsaŋ, nege para beresıŋ? Qazır mūǧalımder jetıspeidı, sondyqtan kez kelgen mektepten jūmys tauyp aluǧa bolady», - degendı alǧa tartady.Kez kelgen diplomy bar mūǧalım jūmys «jasauǧa» emes, ısteuge parasyz mektepke qabyldansa, ärine būl öte jaqsy-aq. Alaida, elımızdegı barlyq mektep basşysy jaŋa mūǧalımdı syi-siiapatsyz, parasyz jūmysqa qabyldai ma? Ökınışke qarai, būl sūraqqa «iä» dep tolyq jauap beru qiyn. Desek te, aldaǧy on jylda «mektep, para, direktor» degen sözder aqparat qūraldary betterınde jazylmas dep ümıttenemız. Sız qalai oilaisyz?
Mūqaş MŪRATŪLY,
«Adyrna» ūlttyq portaly.
Foto aşyq derekközden alyndy.Ūqsas jaŋalyqtar
