الەۋمەتتىك جەلىدە 1 قىركۇيەك كۇنى تارازدا كامەلەتكە تولماعاندار اراسىندا جانجال بولىپ، سونىڭ سالدارىنان ءبىر ءجاسوسپىرىمنىڭ پىشاق جاراقاتىنان قازا تاپقانى تۋرالى اقپارات تارادى، دەپ حابارلايدى "ادىرنا" ۇلتتىق پورتالى.
بۇل اقپاراتتى جامبىل وبلىسى پوليتسيا دەپارتامەنتى راستادى.
ۆەدومستۆو مالىمەتىنشە، ءجاسوسپىرىمنىڭ ولىمىنە قاتىستى قىلمىستىق كودەكستىڭ 99-بابى (“ادام ءولتىرۋ”) بويىنشا قىلمىستىق ءىس قوزعالعان.
“كۇدىكتى ءجاسوسپىرىم وقيعا ىزىنشە قولعا ءتۇسىپ، ۋاقىتشا ۇستاۋ يزولياتورىنا قامالدى. قازىرگى تاڭدا بولعان جاعدايدىڭ بارلىق ءمان-جايىن انىقتاۋعا باعىتتالعان تەرگەۋ شارالارى جۇرگىزىلۋدە”، – دەپ حابارلادى پوليتسيا دەپارتامەنتى.
الەۋمەتتىك جەلىلەردەگى دەرەكتەرگە سۇيەنسەك، قازا بولعان بالا 14 جاستا بولعان. ءارى ۆيدەودا جەدەل جاردەمنىڭ كەشىگىپ كەلگەنى ايتىلادى. سونداي-اق جانجالدىڭ مەكتەپ اۋماعىنان تىس جەردە بولعانى اتاپ ءوتىلدى.
