مەملەكەتتىك كىرىستەر كوميتەتى زەينەتاقى جيناعىنىڭ ءبىر بولىگىن العان ازاماتتارعا جەكە تابىس سالىعى (جتس) قالاي ەسەپتەلەتىنىن ايتتى، - دەپ حابارلايدى "ادىرنا" ۇلتتىق پورتالى كوميتەت ءباسپاسوز قىزمەتىنە سىلتەمە جاساپ.
زەينەتاقى جيناقتارىن الۋ ءۇشىن بىرجولعى زەينەتاقى تولەمدەرىنە سالىق سالۋدىڭ جەكە ءتارتىبى كوزدەلگەن.
- بجزق ۋاكىلەتتى وپەراتورعا اۋدارعان كەزدە - ءبىر رەت;
- بجزق بەلگىلەگەن كەستە بويىنشا 16 جىلدان اسپايتىن مەرزىم ىشىندە اي سايىن تەڭ ۇلەستەرمەن (زەينەتاقى اۋدارۋ باستالعان كەلەسى ايدان باستاپ) ۇستاپ وتىرادى.
سالىمشىنىڭ جەكە زەينەتاقى جيناعىنىڭ سوماسى = 8 500 000 تەڭگە; جەتكىلىكتىلىك شەگى = 3 500 000 تەڭگە; بىرجولعى زەينەتاقى تولەمى = 5 000 000 تەڭگە (8 500 000 - 3 500 000). سالىقتى ۇستاپ قالۋدىڭ ءبىرىنشى ءادىسى: ەسەپتەلگەن جەكە زەينەتاقى جيناعىنىڭ سوماسى = 5 000 000 (تولىق كولەمدە) * 10 پايىز = 500 000 تەڭگە; ۇستاپ قالاتىن جانە بيۋدجەتكە اۋدارىلاتىن جتس سوماسى = 500 000 تەڭگە; بىرجولعى زەينەتاقى تولەمى تۇرىندەگى تابىس سوماسى = 4 500 000 تەڭگە (5 000 000 - 500 000). سالىقتى ۇستاپ قالۋدىڭ ەكىنشى ءادىسى: ەسەپتەلگەن جتس سوماسى = 5 000 000 (تولىق كولەمدە) * 10 پايىز = 500 000 تەڭگە; بىرجولعى زەينەتاقى تولەمى تۇرىندەگى تابىس سوماسى = 5 000 000 تەڭگە.كەيىنگە قالدىرۋ تاسىلىمەن سالىقتى ۇستاپ قالۋدىڭ ەكىنشى جولىن تاڭداعاندا، ودان كەيىن بولعان جاعدايلار بويىنشا جتس ۇستاپ قالۋعا جەكەلەگەن ەرەجەلەر بەلگىلەنگەن:
- قازاقستاننان تىس جەرلەرگە تۇراقتى تۇرۋعا كەتكەن كەزدە - زەينەتاقى تولەمى سوماسىنان ءبىر رەت;
- زەينەتاقى جيناقتارىنىڭ سومالارىن ساقتاندىرۋ ۇيىمدارىنا اۋدارۋ كەزىندە - زەينەتاقى تولەمى سوماسىنان ءبىر رەت;
- قايتىس بولعان جاعدايدا - مۇراگەرلەرمەن مۇراعا قالدىرىلعان زەينەتاقى جيناقتارىمەن ءبىر مەزگىلدە ۇستاپ قالادى.
ۇقساس جاڭالىقتار
