Memlekettik kirister komıteti zeınetaqy jınaǵynyń bir bóligin alǵan azamattarǵa jeke tabys salyǵy (JTS) qalaı esepteletinin aıtty, - dep habarlaıdy "Adyrna" ulttyq portaly komıtet baspasóz qyzmetine silteme jasap.
Zeınetaqy jınaqtaryn alý úshin birjolǵy zeınetaqy tólemderine salyq salýdyń jeke tártibi kózdelgen.
- BJZQ ýákiletti operatorǵa aýdarǵan kezde - bir ret;
- BJZQ belgilegen keste boıynsha 16 jyldan aspaıtyn merzim ishinde aı saıyn teń úlestermen (zeınetaqy aýdarý bastalǵan kelesi aıdan bastap) ustap otyrady.
Memlekettik kirister komıteti salyqty ustap qalýdyń birneshe mysalyn kórsetti:
Salymshynyń jeke zeınetaqy jınaǵynyń somasy = 8 500 000 teńge;
jetkiliktilik shegi = 3 500 000 teńge;
birjolǵy zeınetaqy tólemi = 5 000 000 teńge (8 500 000 - 3 500 000).Salyqty ustap qalýdyń birinshi ádisi:
eseptelgen jeke zeınetaqy jınaǵynyń somasy = 5 000 000 (tolyq kólemde) * 10 paıyz = 500 000 teńge;
ustap qalatyn jáne bıýdjetke aýdarylatyn JTS somasy = 500 000 teńge;
birjolǵy zeınetaqy tólemi túrindegi tabys somasy = 4 500 000 teńge (5 000 000 - 500 000).Salyqty ustap qalýdyń ekinshi ádisi:
eseptelgen JTS somasy = 5 000 000 (tolyq kólemde) * 10 paıyz = 500 000 teńge;
birjolǵy zeınetaqy tólemi túrindegi tabys somasy = 5 000 000 teńge.
Keıinge qaldyrý tásilimen salyqty ustap qalýdyń ekinshi jolyn tańdaǵanda, odan keıin bolǵan jaǵdaılar boıynsha JTS ustap qalýǵa jekelegen erejeler belgilengen:
- Qazaqstannan tys jerlerge turaqty turýǵa ketken kezde - zeınetaqy tólemi somasynan bir ret;
- zeınetaqy jınaqtarynyń somalaryn saqtandyrý uıymdaryna aýdarý kezinde - zeınetaqy tólemi somasynan bir ret;
- qaıtys bolǵan jaǵdaıda - muragerlermen muraǵa qaldyrylǵan zeınetaqy jınaqtarymen bir mezgilde ustap qalady.
