جەكە ۇيدەن ءورت شىعىپ 84 جاستاعى ايەل قازا تاپتى، دەپ حابارلايدى “ادىرنا” ۇلتتىق پورتالى.
وقيعا اقمولا وبلىسىنىڭ ماكينسك قالاسىندا بولعان.
ء"ورت سوندىرۋشىلەر توتەنشە وقيعا ورنىنا جەتكەندە پاتەردە تۇرمىستىق زاتتار مەن جيھازدار جانىپ جاتقان. اسحاناداعى ءورتتى ءسوندىرۋ كەزىندە 1937 جىلى تۋعان ءۇي يەسىنىڭ ءمايىتى تابىلدى", - دەپ حابارلادى اقمولا وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
ءورت سالدارىنان جيھازدار مەن تۇرمىستىق زاتتار جانىپ كەتكەن. ءورتتىڭ جالپى اۋماعى 20 شارشى مەتردى قۇرادى. ءورتتىڭ شىعۋ سەبەپتەرى مەن شىعىنى انىقتالۋدا.
ءورت ورنىندا توتەنشە جاعدايلار مينيسترلىگىنىڭ سىناق-زەرتتەۋ ءورت زەرتحاناسى مەن بۇلاندى اۋداندىق پوليتسيا ءبولىمىنىڭ تەرگەۋ-جەدەل توبى جۇمىس ىستەۋدە.
”ادىرنا” ۇلتتىق پورتالى
