سوڭعى ءۇش اپتادا WhatsApp 30 ميلليوننان استام ابونەنتتەن ايىرىلدى، دەپ حابارلايدى The Guardian-عا سىلتەمە جاساعان سپۋتنيك-قازاقستان.
قولدانۋشىلار Signal جانە Telegram مەسسەندجەرىنە كوشىپ جاتىر. قاڭتار باستالعالى Signal-دى قولدانۋشىلار سانى 7,5 ميلليونعا، ال Telegram جۇكتەگەندەر 25 ميلليونعا ارتقان.
قازاقستاندا Telegram قولدانۋشىلارى كوپ دەۋگە بولادى، الايدا Signal تانىمال ەمەس. تسرۋ-دىڭ بۇرىنعى قىزمەتكەرى، الەمگە تانىلعان ەدۆارد سنوۋدەن كۇندە Signal قولداناتىنىن ايتقان بولاتىن. بەلگىلى بيزنەسمەن يلون ماسك تا وسى قوسىمشانى جۇكتەپ الۋعا شاقىردى.
ەسكە سالا كەتسەك، WhatsApp 8 قاڭتاردا جاڭا قولدانۋشى كەلىسىمىن جاريالادى. وعان سايكەس، قوسىمشانىڭ جاڭا نۇسقاسىن پايدالانۋشىلار Facebook-پەن اقپارات ءبولىسۋى كەرەك بولادى.
مۇنداي جاڭاشىلدىق جۇرتتىڭ كوڭىلىنەن شىقپادى. قولدانۋشىلار جەكە اقپاراتىن بولىسكىسى كەلمەيتىنىن جەتكىزدى. سوندىقتان WhatsApp جاڭا كەلىسىمدى ەنگىزۋ مەرزىمىن 15 مامىرعا شەگەردى.
ۇقساس جاڭالىقتار
