Sońǵy úsh aptada WhatsApp 30 mıllıonnan astam abonentten aıyryldy, dep habarlaıdy The Guardian-ǵa silteme jasaǵan Spýtnık-Qazaqstan.
Qoldanýshylar Signal jáne Telegram messendjerine kóship jatyr. Qańtar bastalǵaly Signal-dy qoldanýshylar sany 7,5 mıllıonǵa, al Telegram júktegender 25 mıllıonǵa artqan.
Qazaqstanda Telegram qoldanýshylary kóp deýge bolady, alaıda Signal tanymal emes. RÝ-dyń burynǵy qyzmetkeri, álemge tanylǵan Edvard Snoýden kúnde Signal qoldanatynyn aıtqan bolatyn. Belgili bıznesmen Ilon Mask ta osy qosymshany júktep alýǵa shaqyrdy.
Eske sala ketsek, WhatsApp 8 qańtarda jańa qoldanýshy kelisimin jarııalady. Oǵan sáıkes, qosymshanyń jańa nusqasyn paıdalanýshylar Facebook-pen aqparat bólisýi kerek bolady.
Mundaı jańashyldyq jurttyń kóńilinen shyqpady. Qoldanýshylar jeke aqparatyn bóliskisi kelmeıtinin jetkizdi. Sondyqtan WhatsApp jańa kelisimdi engizý merzimin 15 mamyrǵa shegerdi.
