1 قاراشادان باستاپ WhatsApp مەسسەندجەرى iOS جانە Android باعدارلاماسىنىڭ ەسكى نۇسقاسى قولدانىلىپ جۇرگەن سمارتفونداردا ءوز جۇمىسىن توقتاتادى، دەپ حابارلايدى Express Qazaqstan.
2021 جىلدىڭ 1 قاراشاسىنان باستاپ WhatsApp قوسىمشاسى Android 4.0.4 نۇسقاسى قولدانىلاتىن سمارتفونداردا جانە iOS 9 نۇسقاسى قولدانىلاتىن iPhone-دا جۇمىسىن توقتاتادى. ياعني، بۇل دەگەنىمىز ميلليونداعان ادام جاقىندارىنىڭ حابارلامالارىنا، ولاردىڭ سۋرەت-بەينەروليكتەرىنە قول جەتكىزە المايدى دەگەن ءسوز.
وسى ورايدا WhatsApp ەسكى سمارتفون يەلەرىنە قۇرىلعىنى جاڭارتۋدى نەمەسە جەكە دەرەكتەردى ساقتاۋ ءۇشىن چات تاريحىن ساقتاپ وتىرۋدى ۇسىنادى. بۇل WhatsApp جۇمىسىن توقتاتقان كەزدە قولدانۋشى ءۇشىن ءتيىمدى بولماق.
سونىمەن WhatsApp-سىز قالاتىن سمارتفوندار تىزبەگىنە توقتالساق:
• Samsung Galaxy S3 Mini, Trend II, Trend Lite, Core, Ace 2;
• LG Optimus F7, F5, L3 II Dual, F7 II, F5 II;
• Sony Xperia;
• Huawei Ascend Mate, Ascend D2;
• Apple iPhone SE, 6S, 6S Plus.
بارلىعىن قوسقاندا 43 -كە جۋىق قۇرىلعى WhatsApp-سىز قالادى ەكەن.
"ادىرنا" ۇلتتىق پورتالى
