بۇگىن ەلورداداعى رەسپۋبليكالىق باس مەشىتتە ءال-ازھار شەيحى، جوعارى مارتەبەلى يمام احمەت تايىپ جاماعاتقا جۇما ۋاعىزىن ايتتى. ۋاعىزدا بەيبىتشىلىك پەن بىرلىك، مۇسىلمان قاۋىمنىڭ رۋحاني تۇتاستىعى، يسلامي قۇندىلىقتار جايلى ءسوز قوزعالدى. تەرەڭ تاعلىمدى، ءتالىمدى ۋاعىزعا قۇلاق تۇرگەن جاماعاتتىڭ قاتارىندا قر بۇرىنعى پرەزيدەنتى ن. نازارباەۆ تا بار.
«يسلام – تەرروريزم ءدىنى ەمەس. ەكەۋى وت پەن سۋ سەكىلدى ەكى بولەك ۇعىم. اسىل ءدىنىمىز الەم حالقىن بەيبىت ءومىر سۇرۋگە جانە اۋىزبىرشىلىككە ۇندەيدى. ۇلتتىڭ ۇلتتان، ادامنىڭ ادامنان ارتىقشىلىعى جوق. بارلىعى دا – اللانىڭ قۇلدارى. سوندىقتان اينالاڭىزداعى ادامداردى جاقسىلىققا، ىنتىماققا، بىرلىككە شاقىرىڭىزدار»، - دەدى جوعارى مارتەبەلى يمام احمەت تايىپ.
ۋاعىز ءدىني باسقارمانىڭ رەسمي YouTube كانالىنان تىكەلەي ەفيردە كورسەتىلدى دەپ حابارلايدى "ادىرنا" ءتىلشىسى ءمۇفتياتتىڭ رەسمي سايتىنا سىلتەمە جاساپ. https://www.muftyat.kz/kk/
"ادىرنا" ۇلتتىق پورتالى
