مىنە، قازىر عانا «قازاقستان» ۇلتتىق تەلەارناسىنداعى دەبات ءبىتتى.
تەلەسايىسقا قاراپ وتىرىپ، بولاشاقتا قازاق ەلىنىڭ ساياسي ءتىلى قازاق ءتىلى بولاتىنىن انىق اڭعارعانداي بولدىق.
بەس پارتيانىڭ سپيكەرلەرىنە قاراڭىز، وسالى جوق!
"نۇر-وتاندىق" ايدوس سارىمنىڭ ساۋاتتى ساراپتاماسى ءبىراز تىڭ دۇنيەنىڭ بەتىن اشتى. ەلىمىزدەگى قانداي پارتيا بولماسىن، ەندى وسى ايدوستاي مىقتى جىگىتتەردى ساپتارىنا قوسۋ كەرەكتىگىن تۇسىنگەندەي... مىسالى،
"قازاقستان حالىق پارتياسىنداعى" جازۋشىنىڭ بالاسى عازيز قۇلاحمەتوۆتى الىڭىز، "اۋىلدىق" داۋلەتكەرەي كاپۇلىنىڭ ءوزى نە تۇرادى، "ادال" ءىنىم ماقسات تولىقبايدىڭ نىق سوزدەرى ساناعا سەنىم ۇيالاتپاي ما؟
راس، مەن وسى اتالعان ادامدار تاۋ قوپارىپ، تاس بۇركەيدى دەي المايمىن. بىراق، ساياسات ساحناسىنا تازا قازاقى تانىمدى ازاماتتاردىڭ شىعۋى كەلەشەككە دەگەن ءۇمىتتى زورايتسا كەرەك.
جالپى، قازاق ساياساتى تۇلعا بەدەلىن پايدالانۋعا كوشتى. بۇل بيلىكتىڭ حالىقشىل كورىنۋگە دەگەن تالپىنىسىن كورسەتسە كەرەك.
قوش! سونىمەن دەباتتا نە ايتىلدى؟
بيلەۋشى پارتيانىڭ اتىنان قاتىسقان سپيكەر ايدوس سارىم قازىر قيىن-قىستاۋ زامان كەلگەنىن، زامان وزگەرگەنىن، زامانمەن بىرگە بيلىك تە وزگەرۋ، رەفورما جاساۋ كەرەكتىگىن ايتتى.
سونىمەن قاتار، مەملەكتتىڭ قۋعىن-سۇرگىن قۇرباندارىن اقتاۋ جۇمىستارى تۋرالى دا ويىن ءبىلدىردى. گۋمانيتارلىق سالادا رەۆوليۋتسيا جاسالاتىنىن ايتتى.
راس، رەسەي ساياساتكەرلەرىنىڭ قازاق جەرىنە كوز الارتا قاراۋى ءبىزدىڭ ەلدە وتارسىزدانۋ ساياسات جۇرمەگەنىن كورسەتتى. سوندىقتان دا، تاۋەلسىز ەل رەتىندە سانامىزدى جاڭعىرتىپ، ءبىرجولا سانا تاۋەلسىزدىگىن الۋىمىز كەرەك. دەباتتا وسى ماسەلەلەر دە شامالاپ ايتىلدى.
ايدوس سارىم رەسەيلىك دەپۋتاتتاردىڭ مالىمدەمەلەرىنە قاتىستى "رەسەي ەلشىسىن شاقىرىپ، نارازىلىق نوتاسىن تاپسىردىق" دەدى.
قوش! نەسيە بار، كاسىپكەرلىك بار، زەينەت جاسىن قىسقارتۋ بار، ت.ب ءبىراز دۇنيە ايتىلدى. سايلاۋالدى ۋادەلەر تىم قۇرىسا 50 پايىز ورىندالسا، ءبىز ۇتىلماس ەدىك. وعان سەنىم جوق. سويتسە دە ۇمىتتەنەمىز!
ءۇمىتسىز شايتان دەمەي مە؟
