Endı saiasatty qazaqtıldıler jasaidy

Mıne, qazır ǧana «Qazaqstan» ūlttyq telearnasyndaǧy debat bıttı. Telesaiysqa qarap otyryp, bolaşaqta qazaq elınıŋ saiasi tılı qazaq tılı bolatynyn anyq aŋǧarǧandai boldyq. Bes partiianyŋ spikerlerıne qaraŋyz, osaly joq! "Nūr-Otandyq" Aidos Sarymnyŋ sauatty saraptamasy bıraz tyŋ dünienıŋ betın aşty. Elımızdegı qandai partiia bolmasyn, endı osy Aidostai myqty jıgıtterdı saptaryna qosu kerektıgın tüsıngendei... Mysaly, "Qazaqstan halyq partiiasyndaǧy" jazuşynyŋ balasy Ǧaziz Qūlahmetovtı alyŋyz, "Auyldyq" Däuletkerei Käpūlynyŋ özı ne tūrady, "Adal" ınım Maqsat Tolyqbaidyŋ nyq sözderı sanaǧa senım ūialatpai ma? Ras, men osy atalǧan adamdar tau qoparyp, tas bürkeidı dei almaimyn. Bıraq, saiasat sahnasyna taza qazaqy tanymdy azamattardyŋ şyǧuy keleşekke degen ümıttı zoraitsa kerek. Jalpy, qazaq saiasaty tūlǧa bedelın paidalanuǧa köştı. Būl bilıktıŋ halyqşyl körınuge degen talpynysyn körsetse kerek. Qoş! Sonymen debatta ne aityldy? Bileuşı partiianyŋ atynan qatysqan spiker Aidos Sarym qazır qiyn-qystau zaman kelgenın, zaman özgergenın, zamanmen bırge bilık te özgeru, reforma jasau kerektıgın aitty. Sonymen qatar, memlekttıŋ quǧyn-sürgın qūrbandaryn aqtau jūmystary turaly da oiyn bıldırdı. Gumanitarlyq salada revoliusiia jasalatynyn aitty. Ras, Resei saiasatkerlerınıŋ qazaq jerıne köz alarta qarauy bızdıŋ elde otarsyzdanu saiasat jürmegenın körsettı. Sondyqtan da, täuelsız el retınde sanamyzdy jaŋǧyrtyp, bırjola sana täuelsızdıgın aluymyz kerek. Debatta osy mäseleler de şamalap aityldy. Aidos Sarym reseilık deputattardyŋ mälımdemelerıne qatysty "Resei elşısın şaqyryp, narazylyq notasyn tapsyrdyq" dedı. Qoş! Nesie bar, käsıpkerlık bar, zeinet jasyn qysqartu bar, t.b bıraz dünie aityldy. Sailaualdy uädeler tym qūrysa 50 paiyz oryndalsa, bız ūtylmas edık. Oǧan senım joq. Söitse de ümıttenemız! Ümıtsız şaitan demei me?