Mine, qazir ǵana «Qazaqstan» ulttyq telearnasyndaǵy debat bitti.
Telesaıysqa qarap otyryp, bolashaqta qazaq eliniń saıası tili qazaq tili bolatynyn anyq ańǵarǵandaı boldyq.
Bes partııanyń spıkerlerine qarańyz, osaly joq!
"Nur-Otandyq" Aıdos Sarymnyń saýatty saraptamasy biraz tyń dúnıeniń betin ashty. Elimizdegi qandaı partııa bolmasyn, endi osy Aıdostaı myqty jigitterdi saptaryna qosý kerektigin túsingendeı... Mysaly,
"Qazaqstan halyq partııasyndaǵy" jazýshynyń balasy Ǵazız Qulahmetovti alyńyz, "Aýyldyq" Dáýletkereı Kápulynyń ózi ne turady, "Adal" inim Maqsat Tolyqbaıdyń nyq sózderi sanaǵa senim uıalatpaı ma?
Ras, men osy atalǵan adamdar taý qoparyp, tas búrkeıdi deı almaımyn. Biraq, saıasat sahnasyna taza qazaqy tanymdy azamattardyń shyǵýy keleshekke degen úmitti zoraıtsa kerek.
Jalpy, qazaq saıasaty tulǵa bedelin paıdalanýǵa kóshti. Bul bıliktiń halyqshyl kórinýge degen talpynysyn kórsetse kerek.
Qosh! Sonymen debatta ne aıtyldy?
Bıleýshi partııanyń atynan qatysqan spıker Aıdos Sarym qazir qıyn-qystaý zaman kelgenin, zaman ózgergenin, zamanmen birge bılik te ózgerý, reforma jasaý kerektigin aıtty.
Sonymen qatar, memlekttiń qýǵyn-súrgin qurbandaryn aqtaý jumystary týraly da oıyn bildirdi. Gýmanıtarlyq salada revolıýııa jasalatynyn aıtty.
Ras, Reseı saıasatkerleriniń qazaq jerine kóz alarta qaraýy bizdiń elde otarsyzdaný saıasat júrmegenin kórsetti. Sondyqtan da, táýelsiz el retinde sanamyzdy jańǵyrtyp, birjola sana táýelsizdigin alýymyz kerek. Debatta osy máseleler de shamalap aıtyldy.
Aıdos Sarym reseılik depýtattardyń málimdemelerine qatysty "Reseı elshisin shaqyryp, narazylyq notasyn tapsyrdyq" dedi.
Qosh! Nesıe bar, kásipkerlik bar, zeınet jasyn qysqartý bar, t.b biraz dúnıe aıtyldy. Saılaýaldy ýádeler tym qurysa 50 paıyz oryndalsa, biz utylmas edik. Oǵan senim joq. Sóıtse de úmittenemiz!
Úmitsiz shaıtan demeı me?
