ەلىمىزدە ازىق-تۇلىك باعاسى 21 پايىزعا دەيىن قىمباتتادى

545

ەلىمىزدەگى ازىق-تۇلىكتىڭ باعاسى 6 پايىزدان 21 پايىزعا دەيىن قىمباتتاپ كەتكەن. توتەنشە جاعدايدا وتىرعان شاقتا كۇندەلىكتى تۇتىناتىن تاۋارلاردىڭ قىمباتتاماۋى ءۇشىن ۇكىمەتتەن 17 ملرد تەڭگە بولىنسە دە، باعا تۇراقسىز بولىپ وتىر. «1 ەۋرازيا» ارناسىنىڭ ءتىلشىسى باعانىڭ جۇگەنسىز كەتۋىنە وراي زەرتتەۋ جۇرگىزدى.

جىل باسىنان بەرى ازىق-تۇلىك باعاسى 7,6 %-عا قىمباتتاعان. ال شىلدە ايىنان بەرى الەۋمەتتىك ماڭىزى بار تاۋارلاردىڭ باعاسى 11,3%-عا ارتقان. ستاتيستيكا كوميتەتىنىڭ حابارلاۋىنشا، سوڭعى جەتى ايدا جەمىس-جيدەك قۇنى - 21,3%، جارما - 20%، قوي ەتى - 11,8, ۇن 11%، كوكونىس - 10,8, ماكارون  - 10,1%، سارى ماي - 9,4%، جىلقى ەتى - 8,6%، ىرىمشىك - 8%، سيىر ەتى - 7,6% شاي - 6,8% نان - 3,8 ءسۇت 4,5% سۇزبە - 3,3% قىمباتتاعان.

اسەت راشيتوۆ، قر ۇلتتىق ەكونوميكا مينيسترلىگى ستاتيستيكا كوميتەتىنىڭ باس ساراپشىسى :

«ازىق تۇلىك تاۋارلارىنىڭ ەڭ جوعارعى باعاسى – قىزىلوردا، سولتۇستىك قازاقستان، قاراعاندى وبلىستارى مەن  الماتى جانە شىمكەنت قالالارىندا بايقالدى. قىزىلوردا وبلىسىمەن مەن الماتى قالاسىندا – 12%، شىمكەنت قالاسىندا – 11,7%،  الماتى، قاراعاندى، سولتۇستىك قازاقستان وبلىستارىندا –11,6% باعا ءوسىمى بايقالدى.

پاندەميا جاريالانعالى ازىق-تۇلىك باعاسىن مەملەكەت قولدان كەلگەنشە ءبىر دەڭگەيدە ۇستاۋعا تىرىسىپ كەلەدى. مەملەكەتتىڭ بۇعان قاۋقارى جەتتى مە دەگەن ساۋالمەن ءبىز دۇكەن مەن كوك بازارلاردى ارالادىق. ساتىپ الۋشىلار بارلىق تاۋارعا قۇن قولسىلعانىن ايتادى.

تۇتىنۋشىلار  كارتوپ، پياز، كۇرىش، ماكارون سياقتى كۇندەلىكتى تۇتىناتىن ونىمدەردىڭ قىمباتتاعانىن ايتادى. ەت ونىمدەرى  200-300 تەڭگەگە شارىقتاپ كەتكەن.

بازارلاردان بولەك ساۋدا جەلىلەرىندە باعا دەڭگەيى باقىلاۋدا ەكەن. ساۋدا جانە ينتەگراتسيا ۆيتسە-ءمينيسترى ازامات اسقارۇلى جەكە ءىرى بيزنەس وكىلدەرىنە تاۋاردىڭ قۇنىن قولجەتىمدى ەتۋ ءۇشىن 17 ملرد تەڭگە بولىنگەنىن ايتادى.

ازامات اسقارۇلى،  قر ساۋدا جانە ينتەگراتسيا ۆيتسە-ءمينيسترى:

-توتەنشە جاعداي كەزىندە باعانى ءبىر قالىپتى ۇستاپ تۇرۋعا اينالىم سحەماسى، تۇراقتاندىرۋ قورىن قالىپتاستىرۋ، لوگيستيكا مەن تسيفرلاندىرۋ كومەكتەسەدى. ايتا كەتەيىك، ساۋدا جەلىلىەرى الەۋمەتتىك ماڭىزى بار تاۋارلاردىڭ باعاسى تۇراقتى بولۋ ءۇشىن اينالىم سحەماسى مەن جەڭىلدەتىلگەن زايم بەرىلدى. بۇعان جەرگىلىكتى بيۋدجەتتەن 1742,ملرد  تەڭگە ءبولىندى.

اينالىم سحەماسى نە ەكەنىن تۇسىندىرسەك، اكىمدىك ساۋدا جەلىلەرىنىڭ يەلەرىنە جەڭىلدەتىلگەن نەسيە (قايتارىممەن) بەرەدى. ال بيزنەس وكىلى  بۇل مەملەكەتتىڭ اسا ماڭىزدى ازىق-تۇلىك باعاسىن ۇستاپ تۇرۋى ءتيىس. كۇنى كەشە ەلدەگى ranking.kz سايتى قازاقستاندىقتاردىڭ ساتىپ الۋ دەڭگەيى وتكەن جىلمەن سالىستىرعاندا 6% ارتتى دەگەن اقپارات تاراتتى. دەگەنمەن ساراپشى مارات باشيموۆ بۇل جالعان ستاتيستيكا ەكەن ايتادى.

مارات باشيموۆ، ساراپشى:

-ستاتيستيكا ايتا بەرەدى. اقشاڭ بولماسا سۋپەرماركەتكە قالاي باراسىڭ؟ مىسالى، بۇرىن سۋپەرماركەتتە حالىق كوپ جۇرەتىن ەدى. قازىر بەس- التى ادام عانا جۇرەدى.

ranking.kz سايتى قازاقستاندا ورتاشا ايلىق كورسەتكىشى  212 مىڭ تەڭگەگە پارا-پار دەپتى. ساراپشى بۇل جاڭالىققا دا كۇمانمەن قارايدى.

مارات باشيموۆ، ساراپشى:

-مۇلدەم كەلىسە المايمىن كوزبوياۋشىلىق دەپ سانايمىن بۇكىل الەم شىرالداپ ءجۇر ەكونوميكالارى توقتاپ قالعان. كوروناۆيرۋس كوپ نارسەگە زيان كەلتىردى.

اىۋل شارۋاشىلىعى ماماندارى قويمالاردا 708 500 توننادان استام ءتۇرلى تاعامدار بار دەيدى. كۇزگە تامان تۇتىنۋعا اسا قاجەتتى كارتوپ، پياز، ءسابىز سىندى تاۋارلاردىڭ باعاسى ارزاندايدى دەپ بولجايدى.

 

گۇلۆيرا اسقار ،

«ادىرنا» ۇلتتىق پورتالى

پىكىرلەر
رەداكتسيا تاڭداۋى