مينيسترلىك وكىلدەرى باعانىڭ كوتەرىلۋىنە قازاقستاننىڭ وڭتۇستىگىندەگى اياز سەبەپ بولعانىن العا تارتىپ وتىر. قاتتى اياز كوپتەگەن كوكونىستەردى ءۇسىتىپ جىبەرگەن.
- ء"بارى قىمباتتايدى. ارينە، ءبىزدىڭ ءومىرىمىز كۇننەن-كۇنگە قىمباتتاپ بارادى. بىراق ول ۇكىمەت ءوزى بەلگىلەگەن ينفلياتسيالىق دالىزدەردە قىمباتتاۋى كەرەك", - دەدى اۋىل شارۋاشىلىعى مينيسترلىگى اۋىل شارۋاشىلىعى نارىعىن وڭدەۋ دەپارتامەنتىنىڭ ديرەكتورى قانات جاۋىمباەۆ.
اۋىل شارۋاشىلىعى مينيسترلىگى باعانىڭ ءوسۋى ينفلياتسيا دالىزىنەن جوعارى بولمايدى دەپ ۇمىتتەنەدى. ياعني، 4-5%. قارجى ساراپشىسى اندرەي چەبوتارەۆتىڭ ايتۋىنشا، جىل سوڭىنا دەيىن ورتاشا ەسەپپەن ءونىم 15-20 پايىزعا قىمباتتايدى.
سوڭعى كەزدەرى ۇلتتىق نارىقتا ەت باعاسىنىڭ دا وسكەنى انىق اڭعارىلىپ وتىر. ەت ساتىپ الاتىنداردىڭ دا سانى سيرەگەن.
اۋىل شارۋاشىلىعى مينيسترلىگى باعانى رەتتەۋگە تىرىسۋدا دەيدى ەكونوميستەر. بىراق ينفلياتسيا سالدارىنا وراي باعا باعامى جاقىن ارالىقتاردا تۇراقتالمايدى دەيدى ماماندار.
"ادىرنا" ۇلتتىق پورتالى
