اتىراۋ مۇناي وڭدەۋ زاۋىتىنىڭ باس ديرەكتورى مەن باس ينجەنەرى قىزمەتىنەن بوساتىلدى. «قازمۇنايگاز» تاراپىنان قۇرىلعان كوميسسيانىڭ تەكسەرۋ جۇمىسىنان كەيىن وسىنداي شەشىم قابىلداندى، دەپ حابارلايدى “ادىرنا” ۇلتتىق پورتالى.
«قازمۇنايگاز» ۇك اق اتىراۋ مۇناي وڭدەۋ زاۋىتىنداعى احۋالعا بايلانىستى قۇرىلعان كوميسسيا جۇمىسىنىڭ ناتيجەسىن جاريا ەتتى.
«اتىراۋ مۇناي وڭدەۋ زاۋىتىنىڭ باس ديرەكتورى عالىمجان جۋسانباەۆ پەن باس ديرەكتوردىڭ ورىنباسارى – باس ينجەنەر ادىلەت شوشانباسوۆتى قىزمەتتەرىنەن بوساتۋ تۋرالى شەشىم قابىلداندى. باس ديرەكتوردىڭ مىندەتىن اتقارۋ ءارى قاراي شەشىم قابىلدانعانعا دەيىن اتىراۋ مۇناي وڭدەۋ زاۋىتى باس ديرەكتورىنىڭ ورىنباسارى – تەحنيكالىق ديرەكتور ولەگ الەكساندروۆيچ لىزلوۆقا جۇكتەلەتىن بولادى»، دەپ حابارلادى كومپانيانىڭ ءباسپاسوز قىزمەتى.
ايتا كەتەيىك، زاۋىت مۇناي ونىمدەرىن ءوندىرۋدى جانە جونەلتۋدى شتاتتىق رەجيمدە جالعاستىرىپ جاتىر.
بۇعان دەيىن اتىراۋ مۇناي وڭدەۋ زاۋىتىنىڭ (انپز) باس ديرەكتورى بولعان عالىمجان جۋسانباەۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆقا بەينەۇندەۋ جولداپ، ەسكى كلاننىڭ بيلىككە كەدەرگى كەلتىرىپ وتىرعانىنا الاڭداۋشىلىق بىلدىرگەنى تۋرالى جازعان ەدىك.
