Elimizdegi azyq-túliktiń baǵasy 6 paıyzdan 21 paıyzǵa deıin qymbattap ketken. Tótenshe jaǵdaıda otyrǵan shaqta kúndelikti tutynatyn taýarlardyń qymbattamaýy úshin úkimetten 17 mlrd teńge bólinse de, baǵa turaqsyz bolyp otyr. «1 Eýrazııa» arnasynyń tilshisi baǵanyń júgensiz ketýine oraı zertteý júrgizdi.
Jyl basynan beri azyq-túlik baǵasy 7,6 %-ǵa qymbattaǵan. Al shilde aıynan beri áleýmettik mańyzy bar taýarlardyń baǵasy 11,3%-ǵa artqan. Statıstıka komıtetiniń habarlaýynsha, sońǵy jeti aıda jemis-jıdek quny - 21,3%, jarma - 20%, qoı eti - 11,8, un 11%, kókónis - 10,8, makaron - 10,1%, sary maı - 9,4%, jylqy eti - 8,6%, irimshik - 8%, sıyr eti - 7,6% shaı - 6,8% nan - 3,8 sút 4,5% súzbe - 3,3% qymbattaǵan.
Áset Rashıtov, QR Ulttyq ekonomıka mınıstrligi statıstıka komıtetiniń bas sarapshysy :
«Azyq túlik taýarlarynyń eń joǵarǵy baǵasy – Qyzylorda, Soltústik Qazaqstan, Qaraǵandy oblystary men Almaty jáne Shymkent qalalarynda baıqaldy. Qyzylorda oblysymen men Almaty qalasynda – 12%, Shymkent qalasynda – 11,7%, Almaty, Qaraǵandy, Soltústik Qazaqstan oblystarynda –11,6% baǵa ósimi baıqaldy.
Pandemııa jarııalanǵaly azyq-túlik baǵasyn memleket qoldan kelgenshe bir deńgeıde ustaýǵa tyrysyp keledi. Memlekettiń buǵan qaýqary jetti me degen saýalmen biz dúken men kók bazarlardy araladyq. Satyp alýshylar barlyq taýarǵa qun qolsylǵanyn aıtady.
Tutynýshylar kartop, pııaz, kúrish, makaron sııaqty kúndelikti tutynatyn ónimderdiń qymbattaǵanyn aıtady. Et ónimderi 200-300 teńgege sharyqtap ketken.
Bazarlardan bólek saýda jelilerinde baǵa deńgeıi baqylaýda eken. Saýda jáne ıntegraııa vıe-mınıstri Azamat Asqaruly jeke iri bıznes ókilderine taýardyń qunyn qoljetimdi etý úshin 17 mlrd teńge bólingenin aıtady.
Azamat Asqaruly, QR saýda jáne ıntegraııa vıe-mınıstri:
-Tótenshe jaǵdaı kezinde baǵany bir qalypty ustap turýǵa aınalym shemasy, turaqtandyrý qoryn qalyptastyrý, logıstıka men ıfrlandyrý kómektesedi. Aıta keteıik, saýda jelilieri áleýmettik mańyzy bar taýarlardyń baǵasy turaqty bolý úshin aınalym shemasy men jeńildetilgen zaım berildi. Buǵan jergilikti bıýdjetten 1742,mlrd teńge bólindi.
Aınalym shemasy ne ekenin túsindirsek, ákimdik saýda jelileriniń ıelerine jeńildetilgen nesıe (qaıtarymmen) beredi. Al bıznes ókili bul memlekettiń asa mańyzdy azyq-túlik baǵasyn ustap turýy tıis. Kúni keshe eldegi ranking.kz saıty qazaqstandyqtardyń satyp alý deńgeıi ótken jylmen salystyrǵanda 6% artty degen aqparat taratty. Degenmen sarapshy Marat Bashımov bul jalǵan statıstıka eken aıtady.
Marat Bashımov, sarapshy:
-Statıstıka aıta beredi. Aqshań bolmasa sýpermarketke qalaı barasyń? Mysaly, buryn sýpermarkette halyq kóp júretin edi. Qazir bes- alty adam ǵana júredi.
ranking.kz saıty Qazaqstanda ortasha aılyq kórsetkishi 212 myń teńgege para-par depti. Sarapshy bul jańalyqqa da kúmánmen qaraıdy.
Marat Bashımov, sarapshy:
-Múldem kelise almaımyn kózboıaýshylyq dep sanaımyn búkil álem shyraldap júr ekonomıkalary toqtap qalǵan. Koronavırýs kóp nársege zııan keltirdi.
Ayýl sharýashylyǵy mamandary qoımalarda 708 500 tonnadan astam túrli taǵamdar bar deıdi. Kúzge taman tutynýǵa asa qajetti kartop, pııaz, sábiz syndy taýarlardyń baǵasy arzandaıdy dep boljaıdy.
Gúlvıra Asqar ,
«Adyrna» ulttyq portaly
