وزبەكستاندا يمپورتتى ىنتالاندىرۋ شارالارى اياسىندا قازاقستاننان وسى باعىتتا ازىق-تۇلىك جەتكىزىلىمى ارتادى، دەپ حابارلايدى “ادىرنا” ۇلتتىق پورتالى Eldala.kz سايتىنا سىلتەمە جاساپ.
ازىق-تۇلىك باعاسىنىڭ ءوسۋى اياسىندا وزبەكستان ەلدىڭ ازىق-تۇلىك قاۋىپسىزدىگىن قامتاماسىز ەتۋ ءۇشىن بەلسەندى شارالار قابىلداۋدا.
بىرىنشىدەن، «وزبەكستان تەمىر جولدارى» كومپانياسى 1 قاراشادان باستاپ رەسپۋبليكا ستانتسيالارىنا شيكىزاتتىڭ 114 ءتۇرىن اكەلۋگە 25 پايىزدىق جەڭىلدىكتەر ەنگىزدى. تاۋارلاردىڭ ىشىندە قاراقۇمىق، تارى، ءتۇرلى تۇقىمدار، كاكاو بار. بۇل شارا ەلدىڭ وڭدەۋشىلەرىنە قولداۋ كورسەتەدى دەپ بولجانۋدا.
ەكىنشىدەن، قازان ايىنىڭ سوڭىندا وزبەكستان سەناتورلارى ەلگە مۇزداتىلعان بالىق، كارتوپ، ەت (سيىر، قوي، تاۋىق ەتى), سونداي-اق ءتىرى ءىرى قارا مالدى قامتيتىن ازىق-تۇلىك ونىمدەرىنىڭ كەڭ اسسورتيمەنتىن جەتكىزۋگە ققس نولگە تەڭەستىرۋدى ماقۇلدادى. ء(ىرى قارا مال جانە قۇس).
ەسكە سالايىق، ءساۋىر ايىندا وزبەكستان كۇنباعىس تۇقىمى، زىعىر، سويا جانە وسىمدىك مايى يمپورتىنا ققس الىپ تاستاعان بولاتىن.
بۇل شارا 2021 جىلدىڭ 31 جەلتوقسانىنا دەيىن كۇشىندە بولادى. وزبەكستان بيۋدجەتىنە 250 ميلليارد سوم شىعىن اكەلەدى.
دەگەنمەن، ەل ءوز ءوندىرىسىنىڭ جەتىسپەۋشىلىگىن جابۋى كەرەك. اتاپ ايتقاندا، ەت تاپشىلىعى 100 مىڭ توننانى نەمەسە ىشكى تۇتىنۋ كولەمىنىڭ 7 پايىزىن قۇرايدى. وزبەكستاندا جىل باسىنان بەرى ەت باعاسى 13,3 پايىزعا قىمباتتادى.
وزبەكستان ءۇشىن ەت، ءىرى قارا مال جانە كارتوپتىڭ نەگىزگى جەتكىزۋشىسى قازاقستان بولىپ تابىلادى.
ماسەلەن، 2021 جىلدىڭ 7 ايىندا وزبەكستان كارتوپتىڭ رەكوردتىق كولەمىن، 310 مىڭ تونناسىن يمپورتتادى، ونىڭ 85 مىڭ تونناسى (27,4%) قازاقستانعا جەتكىزىلگەن كارتوپتىڭ ۇلەسىنە ءتيدى.
وزبەكستانداعى يمپورتتى ىنتالاندىرۋ شارالارى قازاقستانداعى باعانىڭ وسۋىنە اكەلىپ، قاسىم-جومارت توقاەۆ بۇيرىعىنىڭ ورىندالۋىنا كۇمان كەلتىرەدى.
بۇعان دەيىن قاسىم-جومارت توقاەۆ ءىرى قارانى جاپپاي ەكسپورتتاۋ مۇمكىن ەمەس، ويتكەنى قازاقستاننىڭ ءوزى ءالى ىشكى نارىقتى سيىر ەتىمەن ءوزىن-ءوزى قامتاماسىز ەتە المايتىنىن ايتقان. ال ەكسپورت باعانىڭ وسۋىنە اكەلەدى.
“ادىرنا” ۇلتتىق پورتالى
