قازاقستاندىقتار 14 كۇندە 10 ميلليارد تەڭگەگە ءدارى ساتىپ العان

3189
Adyrna.kz Telegram

الەمدى جايلاعان ىندەت قازاقستاندىقتارعا وڭايعا تيمەي تۇر. ءدارىحانالاردىڭ الدى كەزەك، ءدارى تاپشىلىعى بايقالادى. دەنساۋلىق ساقتاۋ مينيسترلىگىندەگىلەر «ءدارى وسى اپتانىڭ اياعىندا تولىق تۇسەدى» دەپ وتىر. بىراق...

حالىق ىندەتتەن قۇتىلۋدىڭ بارلىق جولىن وزدەرى قاراستىرۋدا. ءتىپتى كوپشىلىگىندە ۇرەي بار. ونى جوققا شىعارا المايمىز. سوندىقتان الدىن الا ءدارى ساتىپ الىپ جاتىر.

مەملەكەتتىك كىرىس دەپارتامەنتى ماماندارىنىڭ دەرەكتەرىنە قاراعاندا، سوڭعى 14 كۇندە قازاقستان حالقى 10 ميلليارد تەڭگەگە ءدارى مەن ءارتۇرلى پرەپاراتتار ساتىپ العان. بىراق كىرىس دەپارتامەنتىنىڭ ماماندارى «بۇل تسيفر ودان دا كوبىرەك. ويتكەنى كوپتەگەن ءدارىحانا باسشىلارى قازىرگى ۋاقىتتا ءدارىنىڭ كوپ ساتىلۋىنا بايلانىستى تابىسىن ءتيىستى ورىنداردان جاسىرىپ وتىر» دەگەن پىكىردە.
قازىرگى ۋاقىتتا قازاقستان بويىنشا 3,5 مىڭ ءدارىحانانىڭ عانا كاسسالىق اپپاراتتارى بار. ال قالعاندارىندا ءدارىنى ساتۋ قولما قول ارقىلى جۇزەگە اسىرىلادى. سوندىقتان دارىحاناداعىلار تۇسكەن تابىستى تىم تومەندەتىپ كورسەتەدى. كەيبىرەۋلەرىندە كاسسالىق اپپاراتتار جوق بولسا دا، جۇمىسىن جالعاستىرا بەرەدى. مۇنداي جاعدايدا ارينە كۇنىنە قانشا تابىس تۇسەتىنىن انىقتاۋ قيىنعا سوعادى.
مەملەكەتتىك كىرىس دەپارتامەنتى ماماندارى «بۇگىنگى تاڭدا قازاقستانداعى ءدارىحانالاردىڭ 60 پايىزى عانا زاڭدىق تۇرعىدا تابىسىن تولىققاندى كورسەتەدى. بۇل شامامەن العاندا 2 مىڭداي عانا ءدارىحانا» دەگەندى ايتىپ وتىر.

ەركىن قالدان،
«ادىرنا» ۇلتتىق پورتالى

 

پىكىرلەر