Álemdi jaılaǵan indet qazaqstandyqtarǵa ońaıǵa tımeı tur. Dárihanalardyń aldy kezek, dári tapshylyǵy baıqalady. Densaýlyq saqtaý mınıstrligindegiler «dári osy aptanyń aıaǵynda tolyq túsedi» dep otyr. Biraq...
Halyq indetten qutylýdyń barlyq jolyn ózderi qarastyrýda. Tipti kópshiliginde úreı bar. Ony joqqa shyǵara almaımyz. Sondyqtan aldyn ala dári satyp alyp jatyr.
Memlekettik kiris departamenti mamandarynyń derekterine qaraǵanda, sońǵy 14 kúnde Qazaqstan halqy 10 mıllıard teńgege dári men ártúrli preparattar satyp alǵan. Biraq kiris departamentiniń mamandary «bul ıfr odan da kóbirek. Óıtkeni kóptegen dárihana basshylary qazirgi ýaqytta dáriniń kóp satylýyna baılanysty tabysyn tıisti oryndardan jasyryp otyr» degen pikirde.
Qazirgi ýaqytta Qazaqstan boıynsha 3,5 myń dárihananyń ǵana kassalyq apparattary bar. Al qalǵandarynda dárini satý qolma qol arqyly júzege asyrylady. Sondyqtan dárihanadaǵylar túsken tabysty tym tómendetip kórsetedi. Keıbireýlerinde kassalyq apparattar joq bolsa da, jumysyn jalǵastyra beredi. Mundaı jaǵdaıda árıne kúnine qansha tabys túsetinin anyqtaý qıynǵa soǵady.
Memlekettik kiris departamenti mamandary «búgingi tańda Qazaqstandaǵy dárihanalardyń 60 paıyzy ǵana zańdyq turǵyda tabysyn tolyqqandy kórsetedi. Bul shamamen alǵanda 2 myńdaı ǵana dárihana» degendi aıtyp otyr.
Erkin Qaldan,
«Adyrna» ulttyq portaly
