فرانتسيا پوليتسەيلەرىنىڭ قولىنان قازا تاپقان ءجاسوسپىرىمنىڭ اجەسى ەلدەگى ەرەۋىلدەردىڭ توقتاتۋىن تالاپ ەتىپ، حالىققا ۇندەۋ تاستادى، دەپ حابارلايدى "ادىرنا" ۇلتتىق پورتالى.
نانتەر قالاشىعىندا كىسى قولىنان قازا تاپقان ناەليا م. ەسىم-سويلى ءجاسوسپىرىمنىڭ اجەسى شەرۋلەردىڭ توقتاۋىن تالاپ ەتىپ، BFM TV ارناسىنا سۇحبات بەردى.
ء"بىز ولاردىڭ دۇكەندەردى، اۆتوبۋستار مەن مەكتەپتەردى قيراتقانىن قالامايمىز. ولار ناەلدى سىلتاۋ رەتىندە پايدالانادى. ءبىز ءبارىنىڭ ساباسىنا ءتۇسىپ، تىنىشتالعانىن قالايمىز", - دەدى قارتاڭ اجە.
سونىمەن قاتار، اگرەسسيۆتى توپتاردىڭ "مەكتەپتەرگە شابۋىل جاساۋىنا" جول بەرىلمەيتىنىن اتاپ ءوتتى.
ەسكە سالا كەتەيىك، فرانتسياداعى نارازىلىقتار سەيسەنبى كۇنى، 27 ماۋسىمدا، نوەل م. ەسىمدى 17 جاسار بالانى پوليتسيا قىزمەتكەرلەرى ولتىرگەننەن كەيىن باستالدى. پاترۋل ونى Mercedes كولىگىن تىزگىندەگەن كەزدە ەرەجەلەردى بۇزعانى ءۇشىن توقتاتىپ، اتىپ تاستاعان ەدى.
پوليتسيا تاراپى دا ءوزىن اقتاپ ۇلگەرگەن. ولار ءجاسوسپىرىمنىڭ وزدەرىن تاپتاپ كەتپەك بولعانىن العا تارتادى. دەگەنمەن اقپاراتتىڭ انىعىنا كوز جەتكىزگەن AFP اگەنتتىگى بۇل مالىمدەمەنى جوققا شىعاردى. ولار توقتاپ تۇرعان كولىككە پوليتسيانىڭ ءوزى بارىپ، جۇرگىزۋشىگە قارۋ كەزەنگەنىن ايتادى.
"ادىرنا" ۇلتتىق پورتالى
