قازاقستاننىڭ باس سانيتارى ايجان ەسماعامبەتوۆا قازاقستاندى جالعىز ءوزى باسقارىپ وتىرعانداي بيلەپ-توستەپ، ماۋسىم ايىنىڭ 27-ءcى كۇنى ەلىمىزدە «لاسكوۆىي ماي» توبىنىڭ كونتسەرتىن وتكىزۋگە رۇقسات بەرىپتى! توپتىڭ پروديۋسەرى اندرەي رازين ينستاگرامداعى پاراقشاسىندا (سكريندە) ەسماعامبەتوۆاعا سول ءۇشىن العىس ايتىپ، كارانتين «بىتىسىمەن» قازاقستانعا كەلۋگە دايىن وتىرعاندارىن ايتىپتى.
الماتىدا بۇكىل ءىس-شارانى شىلدە ايىنا دەيىن كەيىنگە شەگەرىپ تاستاعان. باس سانيتار
ونى بىلمەگەنى مە؟ ايتپاقشى، ۋكراينالىقتاردى كەزىندە فاشيستەر دەپ ايىپتاعان رازين قازىر قىرىمنىڭ باسشىسىنىڭ كەڭەسشىسى بولىپ وتىر. «قىرىمنىڭ ەڭبەك سىڭىرگەن ءارتىسى» دەگەن اتاعى تاعى بار. قازاقستاننىڭ قىرىمداعى وقيعاعا بايلانىستى اربانى دا سىندىرمايتىن، وگىزدى دە ولتىرمەيتىن ساياسات ۇستانىپ وتىرعانىن ەسكەرسەك، بۇل دەگەنىمىز ناعىز ساياسي ارانداتۋ بولىپ شىعادى. ەگەر ولار قازاقستانعا كەلسە، ۋكراينالىقتار بىزگە وكپەلەپ، ەكى ەلدىڭ اراسىنا كادىمگىدەي سىزات ءتۇسۋى مۇمكىن. قازىردىڭ وزىندە ۋكراينالىقتار الەۋمەتتىك جەلى ارقىلى نارازىلىعىن اشىق ءبىلدىرىپ وتىر. ايتپاقشى، قالانىڭ اكىمى باقىتجان ساعىنتاەۆ رۇقسات بەرمەگەن شاراعا ەسماعامبەتوۆا قالاي رۇقسات بەرىپ وتىر؟ قۇزىرلى ورگانداردان وسى ماسەلەگە نازار اۋدارۋدى سۇرايمىن!
وڭعار قابدەن،
"ادىرنا" ۇلتتىق پورتالى
