Qazaqstannyń Bas sanıtary Aıjan Esmaǵambetova Qazaqstandy jalǵyz ózi basqaryp otyrǵandaı bılep-tóstep, maýsym aıynyń 27-ci kúni elimizde «Laskovyı maı» tobynyń konertin ótkizýge ruqsat beripti! Toptyń prodıýseri Andreı Razın ınstagramdaǵy paraqshasynda (skrınde) Esmaǵambetovaǵa sol úshin alǵys aıtyp, karantın «bitisimen» Qazaqstanǵa kelýge daıyn otyrǵandaryn aıtypty.
Almatyda búkil is-sharany shilde aıyna deıin keıinge shegerip tastaǵan. Bas sanıtar
ony bilmegeni me? Aıtpaqshy, ýkraınalyqtardy kezinde fashıster dep aıyptaǵan Razın qazir Qyrymnyń basshysynyń keńesshisi bolyp otyr. «Qyrymnyń eńbek sińirgen ártisi» degen ataǵy taǵy bar. Qazaqstannyń Qyrymdaǵy oqıǵaǵa baılanysty arbany da syndyrmaıtyn, ógizdi de óltirmeıtin saıasat ustanyp otyrǵanyn eskersek, bul degenimiz naǵyz saıası arandatý bolyp shyǵady. Eger olar Qazaqstanǵa kelse, ýkraınalyqtar bizge ókpelep, eki eldiń arasyna kádimgideı syzat túsýi múmkin. Qazirdiń ózinde ýkraınalyqtar áleýmettik jeli arqyly narazylyǵyn ashyq bildirip otyr. Aıtpaqshy, qalanyń ákimi Baqytjan Saǵyntaev ruqsat bermegen sharaǵa Esmaǵambetova qalaı ruqsat berip otyr? Quzyrly organdardan osy máselege nazar aýdarýdy suraımyn!
Ońǵar Qabden,
"Adyrna" ulttyq portaly
