دارىگەرلەر كوپ جايتتى ايتۋدان قورقادى. مىنا حات 12‐اۋرۋحانادان كەلدى. سوندا جۇمىس ىستەيتىن كىسىنىڭ ايتۋىنشا، بۇگىن ونداعى قابىلداۋ بولىمىندە جۇمىس ىستەيتىن ءبىر مەدبيكە، ءبىر سانيتار، ءبىر تراۆماتولوگ دارىگەر جانە ءبىر حيرۋرگ دارىگەردەن covid-19 انىقتالعان.
مەدبيكە مەن سانيتار كىسىنىڭ اۋىرعانىنا ءۇش كۇن بولعان، تەست ناتيجەسىن بۇگىن الىپتى. بىراق الماتىنىڭ دەنساۋلىق ساقتاۋ باسقارماسى نۇر-سۇلتانعا حابارلاۋعا اسىقپاي وتىر دەيدى. ەگەر حابارلانسا، اۋرۋحانا covid وشاعى رەتىندە كارانتينگە جابىلۋى كەرەك. سوندا ول اۋرۋحانادا جاتقان ونسىز دا دەنساۋلىعى دىمكاس قانشاما ناۋقاس پەن ءبىر عانا قابىلداۋ بولىمىندە جۇمىس ىستەيتىن 500-دەي قىزمەتكەردىڭ ءومىرى ويىنشىق پا؟ قازىر تورتەۋى دە 12-دە جاتىر، وقشاۋلانعان. بىراق ولارمەن كونتاكتىدە بولعاندار قانشاما اداممەن بايلانىسقا ءتۇسىپ جاتىر ەمەس پە؟ ءتورت كىسى دە قابىلداۋ بولىمىندە جۇمىس ىستەگەن. ەكى دارىگەردىڭ ءبىرىنىڭ جاعدايى اۋىر دەدى. پنەۆمونيامەن اۋىرعان ناۋقاستاردى ينفەكتسيالىق اۋرۋحاناعا ەمەس، 12 اۋرۋحاناعا اپارۋعا نەگە قالالىق دەنساۋلىق ساقتاۋ باسقارماسى بۇيرىق بەرگەن؟ دارىگەرلەر سول ادامداردان جۇقتىرماسىنا كىم كەپىل؟ گەرمانيادان كەلگەن ناۋقاستى دا سوندا اپارعان؟ Covidپەن ويناۋعا بولمايتىنىن دەنساۋلىق ساقتاۋ باسقارماسىنىڭ تۇسىنەتىن ۋاقىتى بولدى عوي. تاڭەرتەڭگە دەيىن كەش بولىپ، وشاق ۇلكەيىپ كەتە مە دەپ جازىپ وتىرمىن. قۇرمەتتى دەنساۋلىق ساقتاۋ ءمينيسترى Yelzhan Birtanov مىرزا، وسى جاعدايدى شۇعىل نازارىڭىزعا الۋىڭىزدى سۇرايمىن.
PS: الماتىلىق جۋرناليستەر مەن اكىمدىك، دەنساۋلىق ساقتاۋ باسقارماسى وكىلدەرى وتىراتىن چاتقا جازسام بولاتىن ەدى. كەشكىسىن قازاقتىلدى جۋرناليستەر قازاقشا اقپارات سۇراعانى ءۇشىن دوستۋپتى جاۋىپ تاستادى🤦♀️.
قانات ابىلقايىر:
- وسىنى مۇمكىندىگىنشە بولىسە وتىرعايسىزدار! بۇل ماسەلە اقورداعا جەتىپ، دەرەۋ شارا قولدانۋ كەرەك. بولار ءىس بولعاننان كەيىن، جاۋىپ-جاسىرماي ناقتى اقپاراتتى بەرىك ءۋالي اعالار انىقتاپ، قاسىم-جومارت كەمەلۇلىنا جەتكىزەدى دەپ ويلايمىن!
يرينا سوۆەتجانقىزى
