Myńnan asa dáriger jumys isteıtin 12-aýrýhananyń covid oshaǵyna aınalǵanyn kútip otyr ma?

2778
Adyrna.kz Telegram

Dárigerler kóp jaıtty aıtýdan qorqady. Myna hat 12‐aýrýhanadan keldi. Sonda jumys isteıtin kisiniń aıtýynsha, búgin ondaǵy qabyldaý bóliminde jumys isteıtin bir medbıke, bir sanıtar, bir travmatolog dáriger jáne bir hırýrg dárigerden covid-19 anyqtalǵan.


Medbıke men sanıtar kisiniń aýyrǵanyna úsh kún bolǵan, test nátıjesin búgin alypty. Biraq Almatynyń densaýlyq saqtaý basqarmasy Nur-Sultanǵa habarlaýǵa asyqpaı otyr deıdi. Eger habarlansa, aýrýhana covid oshaǵy retinde karantınge jabylýy kerek. Sonda ol aýrýhanada jatqan onsyz da densaýlyǵy dimkás qanshama naýqas pen bir ǵana qabyldaý bóliminde jumys isteıtin 500-deı qyzmetkerdiń ómiri oıynshyq pa? Qazir tórteýi de 12-de jatyr, oqshaýlanǵan. Biraq olarmen kontaktide bolǵandar qanshama adammen baılanysqa túsip jatyr emes pe? Tórt kisi de qabyldaý bóliminde jumys istegen. Eki dárigerdiń biriniń jaǵdaıy aýyr dedi. Pnevmonııamen aýyrǵan naýqastardy ınfekııalyq aýrýhanaǵa emes, 12 aýrýhanaǵa aparýǵa nege qalalyq densaýlyq saqtaý basqarmasy buıryq bergen? Dárigerler sol adamdardan juqtyrmasyna kim kepil? Germanııadan kelgen naýqasty da sonda aparǵan? Covidpen oınaýǵa bolmaıtynyn densaýlyq saqtaý basqarmasynyń túsinetin ýaqyty boldy ǵoı. Tańerteńge deıin kesh bolyp, oshaq úlkeıip kete me dep jazyp otyrmyn. Qurmetti Densaýlyq saqtaý mınıstri Yelzhan Birtanov myrza, osy jaǵdaıdy shuǵyl nazaryńyzǵa alýyńyzdy suraımyn.
PS: Almatylyq jýrnalıster men ákimdik, densaýlyq saqtaý basqarmasy ókilderi otyratyn chatqa jazsam bolatyn edi. Keshkisin qazaqtildi jýrnalıster qazaqsha aqparat suraǵany úshin dostýpty jaýyp tastady🤦‍♀️.

Qanat Ábilqaıyr:

- Osyny múmkindiginshe bólise otyrǵaısyzdar! Bul másele Aqordaǵa jetip, dereý shara qoldaný kerek. Bolar is bolǵannan keıin, jaýyp-jasyrmaı naqty aqparatty Berik Ýálı aǵalar anyqtap, Qasym-Jomart Kemelulyna jetkizedi dep oılaımyn!

Irına Sovetjanqyzy

Pikirler