ءىىم وزىندىك قاۋىپسىزدىك دەپارتامەنتىنىڭ قىزمەتكەرلەرى قورداي اۋدانى ماسانچي اۋىلىنىڭ تۇرعىنىنان پوليتسەيلەر 100 مىڭ تەڭگە بوپسالادى دەگەن اقپاراتتى تەكسەردى. بۇل تۋرالى Tengrinews.kz حابارلادى.
ەسكە سالايىق، 7 اقپاندا جامبىل وبلىسى قورداي اۋدانى ماسانچي اۋىلىندا تۇرعىندار اراسىندا جاپپاي توبەلەس بولدى. جاپپاي توبەلەسكە 300-گە جۋىق ادام قاتىسقان. اۋقاتتى اۋىلى جانە بۇلان باتىر اۋىلدارىندا جانجال شىقتى. بۇزاقىلار مەتالل زاتتارىن، اتىس قارۋىن قولدانعان. بۇل وقيعانىڭ الدىندا الەۋمەتتىك جەلىلەردە جەرگىلىكتى تۇرعىنداردىڭ پوليتسەيلەرمەن جانجالداسقانى تۇسىرىلگەن ۆيدەو پايدا بولعان. سول ۆيدەودا ەر ادامنىڭ پوليتسەيدى 100 مىڭ تەڭگە بوپسالادى دەپ ايىپتاعانى ەستىلەدى.