قاراعاندى وبلىسىندا ىشكى ىستەر مينيسترلىگىنىڭ قىزمەتكەرى ءوز ارىپتەسىن اتىپ ءولتىردى، دەپ حابارلايدى "ادىرنا" ۇلتتىق پورتالى.
قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى بۇل جاعدايدىڭ 31 تامىز كۇنى شامامەن ساعات 21:00-دە توپار كەنتىندە، ارنايى كۇزەت قىزمەتى قىزمەتكەرلەرىنىڭ قاتىسۋىمەن بولعانىن ناقتىلادى.
«توپار كەنتىندەگى «گرەس» جشس نىسانىن كۇزەتۋ پوستىندا قىزمەت اتقارۋ بارىسىندا قايعىلى جاعداي بولدى. ارنايى كۇزەت قىزمەتىنىڭ باسقارماسى قىزمەتكەرى ابايسىزدا تابەلدىك قارۋدان وق اتىپ، سونىڭ سالدارىنان ونىڭ ارىپتەسى قازا تاپتى. بۇل دەرەك بويىنشا قىلمىستىق ءىس قوزعالدى»، – دەپ حابارلادى.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قازىر الدىن الا تەرگەۋ جانە قىزمەتتىك تەكسەرىس جۇرگىزىلۋدە. تەرگەۋگە بايلانىستى وزگە مالىمەتتەر جاريالانبايتىنى ايتىلدى.
