IIM Ózindik qaýipsizdik departamentiniń qyzmetkerleri Qordaı aýdany Masanchı aýylynyń turǵynynan polıeıler 100 myń teńge bopsalady degen aqparatty tekserdi. Bul týraly Tengrinews.kz habarlady.
Eske salaıyq, 7 aqpanda Jambyl oblysy Qordaı aýdany Masanchı aýylynda turǵyndar arasynda jappaı tóbeles boldy. Jappaı tóbeleske 300-ge jýyq adam qatysqan. Aýqatty aýyly jáne Bulan Batyr aýyldarynda janjal shyqty. Buzaqylar metall zattaryn, atys qarýyn qoldanǵan. Bul oqıǵanyń aldynda áleýmettik jelilerde jergilikti turǵyndardyń polıeılermen janjaldasqany túsirilgen vıdeo paıda bolǵan. Sol vıdeoda er adamnyń polıeıdi 100 myń teńge bopsalady dep aıyptaǵany estiledi.
