قىتايدىڭ ۋحان قالاسىندا قالىپ قويعان قازاقستاندىقتاردى ەلگە جەتكىزۋ ءۇشىن ارنايى بورت جىبەرۋدى جوسپارلاپ جاتىر، - دەپ حابارلايدى قر ءسىم.
"كەشە قحر ءسىم-دە شەتەلدىك ديپلوماتتار ءۇشىن بريفينگ ءوتتى. بريفينگ بارىسىندا قىتاي تاراپى ەلدەگى جاعداي تۋرالى ايتتى. ارينە، ولار بارلىعى باقىلاۋدا ەكەنىن جانە قاجەتتى شارالار قولدانىلىپ جاتقانىن ايتتى. قوزعالىستى ازايتۋ ءۇشىن ازاماتتاردىڭ مۇمكىندىگىنشە تۇرعىلىقتى مەكەن-جايىندا قالۋىن ءوتىندى. سونداي-اق، ولار شەتەلدىك مەملەكەتتەردىڭ ءوز ازاماتتارىن ەۆاكۋاتسيالاۋ تۋرالى سۇرانىستارىن قاراستىراتىنىن ايتتى.
وسى ورايدا ءبىزدىڭ تاراپتان قحر-عا نوتا جىبەرىلدى، قازىرگى ۋاقىتتا ۋحانداعى ستۋدەنتتەرىمىزدى ەۆاكۋاتسيالاۋ ماسەلەسىن ويلاستىرىپ جاتىرمىز. وندا ءبىزدىڭ 98 ستۋدەنتىمىز بار. ستۋدەنتتەرمەن حابارلاسىپ جاتىرمىز، ولار قايتامىز دەگەن جاعدايدا ارنايى بورت جىبەرۋ ماسەلەسىن ويلاستىرامىز", - دەدى قازاقستان سىرتقى ىستەر ءمينيسترىنىڭ ءبىرىنشى ورىنباسارى شاحرات نۇرىشەۆ.
شاحرات نۇرىشەۆتىڭ ايتۋىنشا، رۇقسات الۋ شاراسى قىتايدىڭ كەلىسىمىن كۇتىپ وتىر ەكەن.
