Qytaıdyń Ýhan qalasynda qalyp qoıǵan qazaqstandyqtardy elge jetkizý úshin arnaıy bort jiberýdi josparlap jatyr, - dep habarlaıdy QR SIM.
"Keshe QHR SIM-de sheteldik dıplomattar úshin brıfıng ótti. Brıfıng barysynda Qytaı tarapy eldegi jaǵdaı týraly aıtty. Árıne, olar barlyǵy baqylaýda ekenin jáne qajetti sharalar qoldanylyp jatqanyn aıtty. Qozǵalysty azaıtý úshin azamattardyń múmkindiginshe turǵylyqty meken-jaıynda qalýyn ótindi. Sondaı-aq, olar sheteldik memleketterdiń óz azamattaryn evakýaııalaý týraly suranystaryn qarastyratynyn aıtty.
Osy oraıda bizdiń taraptan QHR-ǵa nota jiberildi, qazirgi ýaqytta Ýhandaǵy stýdentterimizdi evakýaııalaý máselesin oılastyryp jatyrmyz. Onda bizdiń 98 stýdentimiz bar. Stýdenttermen habarlasyp jatyrmyz, olar qaıtamyz degen jaǵdaıda arnaıy bort jiberý máselesin oılastyramyz", - dedi Qazaqstan syrtqy ister mınıstriniń birinshi orynbasary Shahrat Nuryshev.
Shahrat Nuryshevtiń aıtýynsha, ruqsat alý sharasy Qytaıdyń kelisimin kútip otyr eken.
