جيتوميرلىك جىگىت - ماليۋك! بۇل سۋرەتتەگى - ۋكراينا قاۋىپسىزدىك قىزمەتىنىڭ باستىعى ۆاسيلي ماليۋك دەيتىن مىقتى. شەنى - گەنەرال-لەيتەنانت. جاسى 42-دە. كەشەگى رەسەي اۆياتسياسىن اياۋسىز تەپكىلەگەن "تور" دەيتىن وپەراتسياعا تىكەلەي جاۋاپتى ادام. جاۋدىڭ بومبالاۋشى ۇشاقتارىن تالقانداۋعا تاپسىرمانى پرەزيدەنت زەلەنسكيدىڭ ءوزى بەرگەن. ال وپەراتسيانى ماليۋك باسقارعان.
سول ماليۋك بۇگىن بۇيدەدى:
- كەشەگى رەسەيگە قارسى وپەراتسياسىنىڭ قورىتىندىسى بويىنشا، رەسەيدىڭ 41 ۇشاعى ىستەن شىقتى. ولاردىڭ ىشىندە — ا-50, تۋ-95, تۋ-22 م3 جانە تۋ-160 ستراتەگيالىق ۇشاقتارى بار. ءساتتى سوققىلار رەسەيدىڭ «بەلايا»، «دياگيلەۆو»، «ولەنيا» جانە «يۆانوۆو» اەرودرومدارىنا جاسالدى. بۇلار رەسەيدىڭ تىلىنداعى نەگىزگى بازالار. ونداعى قاناتتى زىمىرانداردى الىپ ۇشاتىن ستراتەگيالىق ۇشاقتاردىڭ 34%-ى تالقاندالدى. كەلتىرىلگەن شىعىن كولەمى بولجالدى تۇردە 7 ملرد دوللاردى قۇرايدى. ارنايى وپەراتسيا 1,5 جىل بويى ازىرلەندى، - دەدى.
ماليۋكتىڭ ومىردەرەگىن شولىپ وتىرساق: بۇل جىگىت 2014 جىلدارى (رەسەي باسقىنشىلىعى باستالعان جىلدار) دونباسس ءۇشىن شايقاستارعا قاتىسقان ەكەن.
2022 جىلدىڭ قازانى ەستەرىڭىزدە بولار. 8 قازاندا، پۋتين 70-كە تولعان كۇننىڭ ەرتەسىندە قىرىم كوپىرىندە جارىلىس بولدى. ول جولى دا كوپىر ۇستىندە جارىلعىش زات تيەلگەن جۇك كولىگى جارىلدى.
ول رەسەي باسقىنشىلىق جىلدارى ميللياردتاپ اقشا قۇيىپ، ءپۋتيننىڭ ءوزى كەلىپ اشقان كرەملدىڭ "مەگا جوباسىنا" جاسالعان اۋقىمدى سوققىلاردىڭ ءبىرى بولعان.
2023 جىلى ءدال وسى ماليۋك: "2022 جىلدىڭ قازانىنداعى قىرىم كوپىرىنە سوققىنى جەكە مەن دايىندادىم", - دەپ مالىمدەگەن.
رەسەيلىك اسكەري كوررەسپوندەنت تاتارسكيگە، ۋكراينالىق ساتقىن دەپۋتات كيۆاعا، رەسەيلىك جازۋشىسىماق پريليپينگە جاسالعان قاستاندىقتارعا دا ءدال وسى ماليۋكتىڭ تىكەلەي قاتىسى بار. ونى ماليۋكتىڭ ءوزى دە اشىق ايتقان.
مىنە، بۇل ماليۋك - سونداي ماليۋك!
ۇقساس جاڭالىقتار
