وسكەمەن قالاسىندا ەر ادامعا بىرنەشە ادام جابىلىپ، سوققىنىڭ سالدارىنان كوز جۇمعان. قايعىلى وقيعاعا بايلانىستى قىلمىستىق ءىس قوزعالدى، دەپ حابارلايدى “ادىرنا” ۇلتتىق پورتالى.
رەسمي مالىمەتكە سۇيەنسەك، ەر ادامدار اراسىندا جانجال تۋىنداپ، كەيىن توبەلەسكە ۇلاسقان. سول ساتتە بىرنەشە جىگىت ءبىر ادامعا جابىلىپ، ونى ءولىمشى ەتىپ ساباعان. كەيىن ءمايىتتى اباي داڭعىلى بويىنداعى اۋرۋحانا ماڭىنا تاستاپ كەتكەن.
شىعىس قازاقستان وبلىستىق پوليتسيا دەپارتامەنتى بۇل دەرەكتى راستادى. قازىرگى تاڭدا كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى.
«قازىرگى تاڭدا اتالعان فاكتى بويىنشا قر قك 106-بابىنىڭ 3-بولىگى بويىنشا قىلمىستىق ءىس قوزعالىپ، بارلىق قاجەتتى تەرگەۋ ارەكەتتەرى جۇرگىزىلىپ جاتىر. قىلمىستىڭ سەبەپتەرى مەن ءمان-جايى انىقتالۋدا»، – دەلىنگەن پوليتسيانىڭ رەسمي حابارلاماسىندا.
ۇقساس جاڭالىقتار
