13 تامىزدا قاراعاندى وبلىسىنداعى بەلوۆ–قالقامان اۆتوجولىندا، سولۆەتكا اۋىلىنىڭ ماڭىندا ەكى جەڭىل كولىك سوقتىعىسىپ، ەكى جۇرگىزۋشى وقيعا ورنىندا قازا تاپتى، دەپ حابارلايدى "ادىرنا" ۇلتتىق پورتالى.
پوليتسيا مالىمەتىنشە، اپاتقا Toyota Ipsum جانە Toyota Camry ماركالى كولىكتەر قاتىسقان. جول-كولىك وقيعاسى بويىنشا سوتقا دەيىنگى تەرگەۋ باستالدى.
قاراعاندى وبلىستىق دەنساۋلىق ساقتاۋ باسقارماسى زارداپ شەككەن جولاۋشىنىڭ 19 جاستاعى استانا تۇرعىنى ەكەنىن مالىمدەدى.
"وقيعا كەزىندە ونىڭ باسى، كەۋدە تۇسى جانە اياقتارى جاراقاتتانىپ، سۇيەكتەرى سىنعان. جەدەل جاردەممەن اقسۋ قالاسىنداعى اۋرۋحاناعا جەتكىزىلىپ، جانساقتاۋ بولىمىنە جاتقىزىلدى. جاعدايى اۋىر، وكپەسىنە جاساندى دەمالدىرۋ اپپاراتى قوسىلعان", — دەپ حابارلادى باسقارما.
پوليتسيا دەپارتامەنتى جول قوزعالىسىنا قاتىسۋشىلاردى جىلدامدىقتى شامادان تىس اسىرماۋعا، كولىك كوپ جۇرەتىن ايماقتاردا ەرەكشە اباي بولۋعا جانە كولىك قۇرالىنىڭ تەحنيكالىق جاعدايىن ۇنەمى تەكسەرىپ وتىرۋعا شاقىردى.
