ەكس-مينيستر قۋاندىق بيشىمباەۆتىڭ ايەلى سالتانات نۇكەنوۆا ولتىرىلگەن استاناداعى «گاسترو-ورتالىق» ديرەكتورى دا قاماۋعا الىندى، دەپ حابارلايدى “ادىرنا” ۇلتتىق پورتالى.
پوليتسيا دەپارتامەنتىنىڭ ءباسپاسوز قىزمەتى بۇرىنعى مينيستر قۋاندىق بيشىمباەۆتىڭ ايەلىن ءولتىرۋ فاكتىسىن جاسىردى دەگەن كۇدىكپەن كىسى ءولىمى ورىن العان “گاسترو-ورتالىق” مەيرامحانا كەشەنىنىڭ ديرەكتورى ۇستالعانىن حابارلادى.
تەرگەۋدى استانا قالالىق پوليتسيا دەپارتامەنتىنىڭ تەرگەۋ باسقارماسى جۇرگىزىپ جاتىر.
«قالالىق پوليتسيا دەپارتامەنتى ەلوردا مەيرامحانالارىنىڭ بىرىندە قر قك 99-بابى (كىسى ءولتىرۋ) بويىنشا ايەلدى ءولتىرۋ ىسىنە قاتىستى تەرگەۋدى جالعاستىرۋدا. قىلمىس جاسادى دەگەن كۇدىكتى استانا قالاسىنىڭ تەرگەۋ سوتىمەن قاماۋعا الىندى. قازىرگى ۋاقىتتا تەرگەۋ ورگاندارى وقيعانىڭ بارلىق ءمان-جايلارىن جانە ناقتى ادامداردىڭ كىناسىن انىقتاۋعا باعىتتالعان قاجەتتى ءىس-شارالاردىڭ بارلىق كەشەنىن ورىنداۋدا. قر قىلمىستىق كودەكسىنىڭ 432-بابىنا سايكەس، قىلمىستى جاسىرعانى ءۇشىن «گاسترو-ورتالىق» ديرەكتورى تەرگەۋ يزولياتورىنا قامالدى. تاعى دا قىلمىستىق كودەكستىڭ 434-بابى بويىنشا قىلمىستىڭ بولىپ جاتقانى تۋرالى اقپارات بەرمەگەنى ءۇشىن جانە 119-بابىنىڭ 3-تارماعىنا سايكەس، زارداپ شەگۋشىنى قاۋىپتى جاعدايدا قالدىرعانى ءۇشىن قىلمىستىق ءىس قوزعالدى. ءىس استانا قالاسى پوليتسيا دەپارتامەنتى تەرگەۋ باسقارماسىنىڭ جانە ىشكى ىستەر مينيسترلىگىنىڭ باقىلاۋىندا بولادى»، - دەپ تولىقتىردى پوليتسەيلەر.
