شىعىس قازاقستان وبلىسىندا مەشىتتەن شامامەن 400 مىڭ تەڭگە تۇراتىن نوۋتبۋك ۇرلانعانى تۋرالى 102 ارناسىنا حابارلاما تۇسكەن، دەپ حابارلايدى "ادىرنا" ۇلتتىق پورتالى.
پوليتسيا مالىمەتىنشە، كۇدىكتى ۇستالعان.
جەدەل-تەرگەۋ شارالارى بارىسىندا پوليتسيا تۇرعىلىقتى جەرى جوق 37 جاستاعى ايەلدى انىقتاپ، ۇستادى. ۇرلىقتى اشۋعا زاماناۋي قاۋىپسىزدىك تەحنولوگيالارى كومەكتەسكەن.
تەرگەۋ بارىسىندا كۇدىكتىنىڭ بۇعان دەيىن دە باسقا مەشىتتە وسىنداي ۇرلىققا قاتىسى بار ەكەنى انىقتالعان. پوليتسيا مالىمەتىنشە، ايەل تەگىن تاماق الۋ سىلتاۋىمەن مەشىتتەرگە كىرىپ، قىزمەتتىك بولمەلەردەن باعالى زاتتاردى جاسىرىن الىپ كەتكەن.
ۇرلانعان نوۋتبۋكتاردىڭ ءبىرىن كۇدىكتى ساتىپ، تۇسكەن قاراجاتتى جەكە قاجەتتىلىكتەرىنە جۇمساعان. قازىرگى ۋاقىتتا اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتقانى حابارلاندى.
