التىن جىگىت، قازاقتان شىققان تۇڭعىش گرەممي سىيلىعىنىڭ (امەريكانىڭ ۇلتتىق ونەر اكادەمياسىنىڭ پرەمياسى) يەگەرى 24 جاستاعى يمانبەكتىڭ قولىندا نە تۇرعانىن بىلەسىزدەر مە؟ رەسەيلىك پروديۋسەر رۋدكوۆسكايانىڭ قول جەتكىزە الماعان ارمانى - گرەممي ستاتۋەتكاسى!
ءيا، ءيا، ءبىزدىڭ حالىققا قىزمەت كورسەتەتىن ورتالىقتىڭ باسشىلارى الدىنان زىر جۇگىرىپ، قارسى الىپ، وتاندىق بلوگەرلەر “قازاقتا ۇلى ادامدارعا شاپان جاباتىن ءداستۇر بار ەدى” دەپ، “ۇلى رۋدكوۆسكاياعا” شاپان جاۋىپ جۇرگەندە، سول حقكو ورتالىقتارىندا ءوز ازاماتتارىمىز ۇزىن-سونار كەزەكتە تۇرعاندا، يانانىڭ ء“بىر ءورىستىلدى ءانشى گرەممي سىيلىعىن السا عوي” دەگەن ارمانى ۋكرايناداعى سوعىستان كەيىن ءتىپتى ساعىمعا اينالدى.
ءوز ارتىستەرىمىزدىڭ قادىرىن بىلمەيمىز عوي. ماسەلەن، بۇل رەسەيلىك پروديۋسەردىڭ اكەسى ۋكراين بولسا دا، ءوزى رەسەيشىل، ءپۋتينشىل ەكەنىن گۋگلداعى ءبىراز ماقالا كورسەتىپ تۇر. گرەممي العان يمانبەك تسون-عا بارسا كەزەكتە تۇرۋى مۇمكىن، بىراق كەڭەستىك زاماننان ساناسى وزگەرمەگەن شەنەۋنىكتەر ءۇشىن ورتالىقتان - ماسكەۋدەن ادام، كوميسسيا كەلدى دەسە، بار شارۋاسىن قويىپ، سونىڭ جانىنان اينالشىقتاپ شىقپاي قوياتىنى قالاي؟ بۇل - قۇلدىق سانادان ارىلماعاندىقتىڭ بەلگىسى. ماسكەۋدىڭ ورتالىق بولماعانىنا 35 جىل بولدى عوي. باسقا الەم ەلدەرى بار، ورتالىعىمىز - استانا! اۋىلدان شىعىپ، گرەممي الىپ، رەسەيلىك تالاي پروديۋسەردىڭ ءىشىن اشىتقان يمانبەكتەردى نەگە سولاي قۇرمەتتەمەيمىز؟ نەمەسە نەگە نيكولاس كەيدجدى تاعى شاقىرمايمىز؟ باياعىدا شاپان كيگەن فوتوسى ونشا شىقپاعان ەدى، شاماسى، ۇيالماي تويدان-تويعا بەرىلىپ، اقىرى نيكولاستىڭ ۇستىنە جابىلدى ما ەكەن، تىم كوڭىلسىز كورىندى عوي… سول كوكەمنىڭ ۇستىنە نەگە قايتادان دۇرىس شاپان جاپپايمىز؟ وسكار العان نيكولاس كەيدج رۋدكوۆسكايادان “ۇلىلىراق” پا دەگەنىمىز عوي… ءاي، بىراق ءبىزدىڭ شەنەۋنىكتەر ونى ءتۇسىنسىن بە؟
ايتپاقشى، رەسەيلىك پروديۋسەر قالايشا استانادان ءۇي العان؟ ەلدە تۇرۋ ىحتيارحاتى، ازاماتتىعى بار ما؟
ۇقساس جاڭالىقتار
