الماتىدا ارنايى حالىققا قىزمەت كورسەتۋ ورتالىعىنىڭ قىزمەتكەرلەرى جۇك كولىكتەرىن زاڭسىز تىركەگەنى ءۇشىن سوتتالدى. بۇل تۋرالى قالالىق پروكۋراتۋرا ايتتى، دەپ حابارلايدى «ادىرنا» ءتىلشىسى.
«ارنايى پروكۋرورلار الماتى قالاسىنىڭ ارنايى حقكو قىزمەتكەرلەرىنە قاتىستى قىلمىستىق ءىس بويىنشا سوتقا دەيىنگى تەرگەپ-تەكسەرۋدى اياقتادى. تەرگەۋ ناتيجەسىندە 2023 جىلى ارنايى حقكو-نىڭ 5 قىزمەتكەرى 18 جۇك كولىگىن جالعان قۇجاتتار بويىنشا زاڭسىز تىركەپ، ولاردىڭ ناقتى شىعارىلعان جىلىن بۇرمالاعانى انىقتالدى»،-دەلىنگەن حابارلامادا.
قۇقىققا قارسى ارەكەتتەردىڭ ناتيجەسىندە كولىك قۇرالدارىن باستاپقى تىركەگەنى ءۇشىن الىم رەتىندە كوزدەلگەن 164 ملن تەڭگە مەملەكەتتىك بيۋدجەتكە تولىق تۇسپەگەن. سوتقا دەيىنگى تەرگەپ-تەكسەرۋ بارىسىندا مەملەكەتكە كەلتىرىلگەن شىعىن تولىق كولەمدە وتەلگەن.
قالالىق پروكۋراتۋرا سوت ۇكىمىمەن سوتتالۋشىلار كىنالى دەپ تانىلىپ، ءارتۇرلى مەرزىمگە باس بوستاندىقتارىنان ايىرۋعا سوتتالعانىن جەتكىزدى.
